Almatynyń Alǵabas yqshamaýdanyndaǵy qısaıǵan úıden ózge úılerdiń turǵyndary da janushyra shýlap jatyr. Olarda bir kúni úıindiniń astynda qalamyz ba dep qorqady. Aıtýlarynsha, onsyzda sapasy kúmándi úılerdiń jertólesin sý basyp jatyr, - dep habarlaıdy Qamshy.kz 31-arnaǵa silteme jasap.
Alǵabastaǵy úı apatty dep tanylǵan soń ózge turǵyn úılerdiń de halqy qaýiptene bastady. Ásirese, shatyrynan sý ótip, qabyrǵasy qulap, jertólesi kólshikke aınalǵan úılerdiń turǵyndary bizdiń shaǵymǵa eshkim qulaq aspaıdy dep narazy.
QURMANǴALI IMAǴAMBETOV, Alǵabas turǵyny:
- Úıdi jasamaǵan ǵoı, apyl-ǵupyl jasaı salǵan, úkimettiń ochetynda bar, boldy. Al halyq qalaı turyp jatyr, onymen eshkimniń sharýasy joq.
Bul turǵyndar 15-20 jyl úıdiń kezeginde turyp jańa baspanalaryna 2 jyl buryn qol jetkizgen. Alaıda qýanysh kópke sozylmady. Sapasyz qurylys birneshe aıda syr bere bastaǵan. Ǵımarattyń olqylyqtary óz aldyna onyń aınalasyna aryq júıesi durys júrgizilmepti. Bir aýlada ornalasqan 45, 46, 47, 49 úılerdiń jertólesin sý basqan. Shatyrdan aqqan sý da, kóshemen kelgen sý da úıdiń astyńǵy qabatyna jınalady. Ózge turǵyn úılerdiń de jaǵdaıy máz emes.
MURAT MUQASHEV, Alǵabas turǵyny:
- Qorqyp otyrmyz, bizdiń úıimiz de bolady degen jaǵdaı ǵoı. Sondyqtan biz endi akımatqa, tórt jyl boldy, bastamashy top degendi uıymdastyryp, solarmen Esimovtiń aldyna da bardyq, Baıbekke de jazdyq, qurylys basqarmasyna da bardyq. Alataý aýdanynyń akımatyna da bardyq. Eshqandaı qorytyndy shyqpaı jatyr.
QANAT EPBERGENOV, Alǵabas turǵyny:
- Seıchas samı ývıdelı, tam lýjı. Bolshıe lýjı. Eto to chto podsohlo eshe. A tak do etogo po koleno stoıalı.
Bul 34, 35, 36, 37 úılerdiń turǵyndary. Ǵımarattyń astyńǵy bóligine sýdyń jınalýyn qurylystyń sapasyzdyǵymen ǵana baılanystyrady. Jańa yqshamaýdandaǵy barlyq úıdiń jaǵdaıyn tekserý qashan bastalatyny belgisiz.
JARAS NIAZBEK, Tilshi:
- Alǵabas yqshamaýdanynda 10 shaqty úıdiń jertólesin aralap kórdik. Barlyǵynda derlik sý deńgeıi tobyqtan keledi. Turǵyndardyń aıtýynsha osy yqshamaýdandaǵy 60-taı úıdiń jertólesindegi jaǵdaı ortaq. Endi turǵyndar óz baspanalaryn tolyqtaı tekserýdi talap etedi.
