QR aqparat jáne komýnıkasıa mınıstri Dáýren Abaev Aqtóbedegi balalar lagerine oqý atý týraly aqparatty túsindirdi, - dep habarlaıdy Qamshy.kz Tengrinews.kz – ke silteme jasap.

«Aqparat quraldarynda Aqtóbedegi balalar lagerine oqý atý týraly jarıalanǵan aqparatty túsindirgim keledi», - dep bastaǵan sózin mınıstr Facebook áleýmettik jelidegi paraqshasyndaǵy habarlamada.

«Oqıǵa bylaı bolǵan. Birinshi. Búgin Aqtóbedegi aýdandardyń biriniń turǵyndary polısıaǵa habarlasyp, atysqa uqsas dybystyń estilgenin habarlaıdy. Qazir elimizdiń, ásirese Aqtóbe turǵyndary qyraǵylyq tanytyp, qarýly kúshter qurylymynyń jumysyna kómektesip jatyr. Kontrterrorlyq operasıa kezinde azamattardan túsken kez-kelgen habarlamaǵa quqyq qorǵaý organdary jedel áreket tanytady. Sonymen qatar, ol týraly aqparat jedel túrde eldiń basshylyǵyna jetkiziledi. Dál osy sát kameraǵa túsirilip, Memleket basshysynyń jáne UQK tóraǵasynyń qatysýymen ótken sújetke engizilipti. Ekinshi. Sol kezde oqıǵa ornyna jetken jedel top atystyń bolmaǵanyn anyqtady. Bul jáı ǵana buzylǵan avtomobıldiń daýsy bolyp shyqty», - deıdi Abaev.

Ol mundaı jaǵdaıdyń Pavlodarda da bolǵanyn aıta ketti.

ıEki aqparattyń taratylǵan ýaqyt aıyrmashylyǵy 40 mınýt bolǵan. Mundaı derekti tekserýge osynshama ýaqyttyń ketetini sózsiz. Sondyqtan da áriptes-jýrnalısterge memlekettik organdardan túsken habarlamany taratatyn kezde muqıat bolýǵa shaqyramyn. Barlyǵy qatelesedi. Biz óz tarapymyzdan BAQ ókilderine halyqqa aqparatty jetkizý úshin ary qaraı qoldaý kórsetemizı, - dedi mınıstr.

Sóz sońynda ol qazaqstandyqtarǵa quqyq qorǵaý organdarynyń jumystaryna kómek kórsetkeni úshin alǵys aıtty.