Ulybrıtanıa elshiligi elshi Kerolı Braýnnyń atynan taratqan resmı habarlamada mártebeli patshaıymnyń mereıtoıyn atap ótý Qazaqstandaǵy aza tutý kúnine baılanysty basqa ýaqytqa aýystyrylatyny jazylǵan. Bul týraly Qamshy.kz habarlaıdy.

«Búgingi kún Qazaqstannyń batysynda Aqtóbe qalasynda 5 maýsymda oryn alǵan shapqynshylyq qurbandaryna oraı Qaraly kún.

Osy bir Qazaqstan halqy úshin azaly kúni, halyqqa kórsetken kurmet belgisi retinde búgingi kúni Uly Mártebeli Patshaıymyzdyń 90 jyldyq mereıtoıyn atap ótýge arnalǵan merekeni basqa kúnge aýystyrýǵa sheshim qabyldadym. Qazaqstan úshin osy bir qaraly kúni bizder el arasyndaǵy dostastyǵymyzdy basqasha atap óte almaımyz.

Osy is-sharany 2016 jylǵy 17 maýsym kúni aldynda belgilengen ýaqyt pen orynda ótkizýge aýystyrdyq.

Eger Siz shaqyrý qaǵazyn alsańyz, ony saqtap, ózińizben birge 17 maýsymda ótetin is-sharaǵa alyp kelińiz. Shaqyrý qaǵazyn aýystyrmaımyz», - dep jazylǵan Ulybrıtanıa elshiliginiń habarlamasynda.

Búgingi kún Elbasy ókimimen el aýmaǵynda Jalpyulttyq aza tutý kúni retinde jarıalandy. Osyǵan oraı barlyq memlekettik mekemelerde memlekettik tý tómen túsirilip, qoǵamdyq oryndar men aqparat quraldarynda kóńil kóterý baǵdarlamalary toqtatyldy.