Qazir Aqtóbede boı tasalap júrgen lańkesterdi ustaý jónindegi operasıa ótýde, - dep habarlaıdy Qamshy.kz UQK saıtyna silteme jasap.

«QR lańkestikke qarsy ortalyǵy aǵymdaǵy jyldyń 10 maýsymynda Aqtóbe oblystyq lańkestikpen kúres jedel shtaby Aqtóbe qalasyndaǵy lańkestik áreketke qatysy bar tulǵalardy ustaý boıynsha operasıa júrip jatqanyn habarlaıdy.

Berilý týraly usynysqa lańkester qarýly qarsylyqpen jaýap qatty. Shara jalǵasýda, nátıjeleri qosymsha habarlanatyn bolady», - delingen UQK habarlamasynda.

Kúdiktilerdi ustaý operasıasy keshe túnde bastalǵan. Arnaıy operasıanyń ótip jatqan orny týraly resmı aqparat joq. Alaıda, kýágerler qaladaǵy «Úmit» balalar úıiniń bos turǵan ǵımaraty mańynda arnaıy jasaqtardyń júrgenin vıdeoǵa túsirip, jelige jarıalady.

Esterińizge salsaq, 5 maýsym kúni Aqtóbe qalasynda bolǵan terakttan jeti adam qaza taýyp, 38 adam jaraqat alǵan bolatyn. Polısıa 6 kúdiktiniń jasyrynyp júrgenin habarlady.  

Keshe respýblıka boıynsha terakt qurbandaryn aza tutý kúni ótti.