Astana qalasyndaǵy jańbyr sýyn retteýge arnalǵan sýaǵarlar máselesi jaqyn arada sheshilmeıdi, - dep habarlaıdy Qamshy.kz KTK arnasyna silteme jasap.

Astana Venesıanyń kúıin keshe bermek! Sebebi bas qalany jańbyrdan keıin kólge aınaldyrmas úshin áli 2 jarym jyl kerek eken.

Óıtkeni, sý aǵatyn aryq máselesi 2019 jylǵa qaraı sheshiledi. Oń jaǵalaýǵa qaraǵanda, sol jaǵalaýdyń basty kóshelerine jyl sońyna deıin sýdy buryp áketetin aryqtar men arnalar salynbaq. Al túıtkil tolyq sheshilgenshe, astanalyqtar jańbyr sýyn keship júrýge májbúr. Tipti prezıdent «EKSPO-ǵa» keletin qonaqtardy qaıyqpen tasýǵa týra keletin shyǵar dep Astana ákimi men onyń orynbasary Horoshýndy synaǵany este. Jurtty mezi qylǵan taǵy bir másele – shaharda parkıng jetispeıdi. Ásirese, kópqabatty úılerdiń aýlalarynda kólik turaǵy tapshy.

Sergeı Horoshýn, Astana qalasy ákiminiń orynbasary:

-Ásirese, oń jaǵalaýdaǵy jaǵdaı qıyn. Qalanyń eski aýdandaryndaǵy úıler 20-30 jyl buryn salynǵanyn eskerip, tolyq tekserip shyqtyq. Qalanyń bas jospary boıynsha parkıng salý úishn shaǵyn aýdandardan 128 oryndy belgilep qoıdyq.