«Áleýmettik jelide meniń baýyrlas halyqqa qarata aıtqan sózderim kezdeısoq aıtyldy. Ol emosıanyń syrtqa tógilýi edi». Bul oraldyq bard ánshi, ultaralyq arazdyq týǵyzdy dep aıyptalyp jatqan Janat Esentaevtyń jazǵan hatynan úzindi. Oraldyq saıasatker tergeý organdary men qoǵam múshelerine óziniń isine shyn ókinetinin aıtyp, hat joldap otyr. Bul týraly Qamshy.kz habarlaıdy.

Hatta Janat Esentaev óz shyǵarmashylyǵyna ár qashan Otanǵa degen súıispenshilikti, erkindek pen halyqqa degen mahabbatty arqaý etkenin, eshqandaı jappaı tártipsizdikter men zań buzýshylyqtar týraly oılamaǵanyn aıtady.

«Men eshqashan Qazaqstanymyzda soǵys pen kúıreý bolǵanyn tilemedim. Qazaqtar eń beıbitshilik súıgish halyq bolǵan, bolyp otyr, bola da bermek. biz barlyǵymyz beıbitshilik pen kelisimde ómir súrýimiz kerek», - degen ol Qazaqstanda qandaı da bir kúrdeli jaǵdaı bola qalsa óziniń eshqandaı arandatýshylarǵa ermeıtinin aıtady. Sondaı-aq ol, óz sózderi bireýlerdiń ulttyq sezimine nuqsan keltirse, keshirim suraıtynyn aıtady.

«Osy hatpen men qoǵamǵa, tergeý organdaryna ózimniń orystardy qorlaý týraly aram oıym bolmaǵanyn jetkizgim keledi. Eger meniń sózderim bireýlerdiń namysyna tıse, shyn kóńilimmen keshirim suraımyn», - deıdi ánshi.

«Trıýba» gazeti saıasatker-ánshiniń jaqynda bostandyqqa shyǵatynyn, máseleniń bulaı sheshilýine qoǵam belsendileri Muhtar Taıjan men Gúljan Erǵalıevanyń sebep bolǵanyn jazady.