Aqtóbede arnaıy operasıa barysynda 4 lańkes óltirildi, - dep habarlaıdy Qamshy.kz UQK baspasóz qyzmetine silteme jasap.

QR lańkestikke qarsy ortalyǵy Aqtóbe oblystyq jedel shtabtyń kúshimen izdeýde júrgen lańkester toby joıylǵanyn habarlady.

«Jedel izdestirý sharalary nátıjesinde lańkesterdiń Nekrasov kóshesindegi úıdiń bir páterine jasyrynǵany anyqtaldy. UQK men İİM bólinisteri úıdi qorshap, turǵyndaryn qaýipsiz jerge kóshirdi», - delingen UQK habarlamasynda.

Alaıda, kúdiktiler óz erkimen berilý týraly eskertýge qulaq aspaı, polısıaǵa oq atqan.

«Arnaıy jasaq shabýyly nátıjesinde páterdegi tórt lańkes óltirildi», - delingen UQK habarlamasynda.

Operasıa barysynda beıbit turǵyndar zardap shekken joq. Tek eki polısıa qyzmetkeriniń jeńil jaraqat alǵany aıtylady.