Nazarbaev University bilim ordasynda 4 jyl boıy bakalavrıat baǵdarlamasy boıynsha oqý orta eseppen 87 myń dollardy qurasa, magıstratýra – 36 myń dollar. Bul týraly Memleket basshysy Nursultan Nazarbaev búgin túlekterdi quttyqtaý kezinde aıtty, - dep habarlaıdy Qamshy.kz BNews.kz – ke silteme jasap.

«Biz bul ýnıversıtettiń álemdik deńgeıdegi ǵylym-bilim ortalyǵy retinde qalyptasqanyn maqtan tutamyz. Men bul týraly burynnan beri armandaǵan bolatynmyn. Ýnıversıtette bilim stýdentterge tegin beriledi. Nazarbaev ýnıversıtetinde bakalavrıat baǵdarlamasy boıynsha 4 jyl boıy oqý ortasha alǵanda 87 myń dollardy qurasa, magıstratýra – 36 myń dollar. Bul shyǵyndardyń barlyǵyn memleket óteıdi, sebebi memleketke kadr qajet», - dedi QR Prezıdenti.

Nursultan Nazarbaev NU túlekteri Qazaqstandy kúrdeli básekelestik jaǵdaılarda jańa tehnologıalarǵa jeteleıtin urpaq ekendigine senim bildirdi.