Qazaq estradasy dinge qalaı keldi, olardyń arasynda namazǵa jyǵylǵandar kimder? Bul suraqqa 31-arnadaǵy «Juldyzdar jarqyraıdy» jobasy jaýap izdepti.

"KZ" tobynyń burynǵy ánshi Beıbit Qushqalıev osydan bes jyl buryn sahnada án salyp, sekeńdep bı bıleýdi «haram» dep sanap, shoý-bıznesti birjolata tastap ketken bolatyn. Alaıda, shetelde oqyp kelgennen keıin 3 jyl boıy bos jatqan, ánshi tipti óziniń bastapqy mamandyǵy munaı salasyna da aralasqysy kelipti. Biraq, odan da túk shyqpaǵan. 

Búginde, ánshi ónerin qaıta shyńdap, zamanaýı baǵyttaǵy ánderin birinen keıin birin kórermenge usynyp júr.

Keıingi kezderi ánshiniń ónerge degen kózqarasy ózgergen. 

Osy aptada kúlli musylman úshin qasıetti mereke Ramazan aıy bastaldy. Aılardyń sultany sanalatyn Ramazan altynshy maýsymda bastalyp, 4 shildege deıin jalǵasady. Osy aralyqta musylman balasy 29 kún aýyz bekitedi. 
Beıbit aýyz bekitip, namaz oqýdy bala kezden ata -anasynan, ájesinen úırengen. Oraza ustaýǵa nıet etken jandar osy aıda Jaratqannyń mol saýabyna keneledi deıdi ánshi. 

Óner adamdarynyń sońǵy ýaqytta jappaı dinge bet burýynyń sebepterin ónerde de, ómirde de juptary jazylmaı kele jatqan Ǵanı men Bota Júnisovtar ter bylaı túsindiredi.

Ánshi Bota alǵashynda namaz oqyp, Mekkedegi qulshylyq etken oryndaryn sýretke túsirip áleýmettik jelige salatyn  áriptesteriniń áreketin esh túsine almapty. 
Ǵanı men Bota da jyldaǵy ádetteri boıynsha, oraza ustap aýyz bekitýde.Qasıetti jumada duǵa- tilek jasaý úshin meshitke keletin ádetteri bar. Ǵalymdardyń aıtýy boıynsha saýaby mol oraza aıynyń maýsym, shilde aılaryna tap kelýi 33 jylda bir qaıtalanady eken. Sondaı- aq bıylǵy jyldyń pitir sadaqasynyń mólsheri de belgili boldy. 

«MýzArt» tobynyń ánshisi Kenjebek Janábilov áriptesteri Meırambek Besbaev, Nurlan Abdýllın, Abaı Begeı syndy Mekkege baryp, bes ýaqyt namaz oqymasa da, jyl saıyn Qasıetti Ramazan aıyn asyǵa kútip, aýyz bekitedi eken. 

Jazdyń aptaǵan ystyǵyna qaramastan bıyl oraza tutqan barsha jamaǵatqa Orazalaryńyz qabyl bolsyn dep tileımiz.