Talǵar aýrýhanasynda aýyr dene jaraqatymen jatqan prodúser Baıan Esentaevanyń densaýlyq jaǵdaıy jaqsardy, - dep habarlaıdy Qamshy.kz.

Ol týraly Almaty oblysy Talǵar aýdandyq aýrýhanasy dırektorynyń emdeý isi jónindegi orynbasary Erbol Sársenbaev aqparat taratty.

«Qazir naýqastyń jaǵdaıy ortasha deńgeıde. Ázirshe jansaqtaý bóliminde jatyr, geodınamıkasy turaqty, esin biledi, sóıleıdi, basqalaı aýytqýlar joq. Búginnen bastap óziniń tamaq ishýine ruqsat berdik. Týystary da kelip, olarmen sóılese alady. Qazir ol basyn kóterdi, otyra alady», - deıdi E. Sársenbaev.

Esterińizge salsaq, prodúser Baıan Esentaeva ótken juma kúni Almaty oblysy Talǵar aýdany aýmaǵynda soqqyǵa jyǵylyp, qazir aýrýhanada jatyr. Al, onyń kúıeýi Baqytbek Esentaevti polısıa kúdikti retinde qamaýǵa alǵan. Talǵar aýdandyq İİB habarlaýynsha, kıkiljiń kezinde prodúserdiń kúıeýi ishimdikke mas bolǵan kórinedi.  

Kúdikti retinde eki aı merzimge qamaýǵa alynǵan Baqytbek Esentaevqa QR QK 99-baby boıynsha, kisi óltirýge árekettendi degen aıyp taǵylýda.