Jýrnalıs Ardabek Soldatbaı Qazaqstan Respýblıkasy Mádenıet jáne sport mınıstrliginiń quramyndaǵy Din isteri jónindegi komıtetti taratý kerek degen usynys aıtty. Bul týraly Qamshy.kz habarlaıdy.
A. Soldatbaı komıtettiń jumysyn el musylmandaryn «biriktirý emes, bólýmen aınalysý» dep baǵalap otyr. Sondaı-aq, ol komıtetten bólek Qazaqstan musylmandary dinı basqarmasyna qarasty meshit ımamdary da jaýapqa tartylýy kerek dep sanaıdy.
«Aqsha jeýdiń amalyn ǵana oılaıtyn Din isteri jónindegi komıtet taratylsyn. Aqtóbede musylmandardy biriktirýmen emes, bólýmen aınalysyp, jastardy jamaǵattan shettetip, aqyrynda qoǵamdy qandy qyrǵynǵa jetkizgen QMDB qoǵamdyq birlestiginiń ımamdary jaýapqa tartylsyn. QMDB-nyń apparatyna eshbir dinı saýaty joq, tipti qudaıdan qoryqpaıtyn UQK qyzmetkeri emes, dinı saýatty azamat basshylyq jasasyn. Meshitterdegi áýlıege qol berip hrıstıandar sekildi kúnásinen arylyp júrgen nurshy, súleımenshy, gýlenshi (mysaly, SHQO bas ımamy) ımamdar oryndaryn bosatsyn. Din túzelse - el túzeledi» dep jazady A. Soldatbaı.
Buǵan deıin Din isteri jónindegi komıtet basshysy Ǵalym Shoıkın Aqtóbede oryn alǵan qandy oqıǵaǵa oraı komıtet dinı qatynastardy retteıtin birqatar zańnamalarǵa jańa ózgerister engizý jónindegi usynystardy qaraı bastaǵanyn aıtqan ol qandy qyrǵynǵa elimizde keńinen taraǵan salafızm aǵymyn ustanýshylardyń qatysy bolýy múmkin ekenin jetkizgen.
«Salafızm baǵytyna ketken adamdardyń naqty sanyn shyǵarý múmkin emes. Biraq, shamamen olardyń sany 15 myńǵa jetedi. Qazaqstanda qansha adam osy salafızm baǵytyna ketkenin eshkim de dóp basyp aıta almaıdy. Qazir qoǵamda sarapshylar osy aǵymǵa tyıym salý týraly pikir aıtyp jatyr. Quzyrly organdar bul máseleni jan jaqty zertteýde. Biraq, osy baǵytqa kádimgideı tyıym salsaq, onyń saldary qandaı bolady degen máseleni qaraý kerek. Qazir bul máseleni jan-jaqty qaraý kerek ekenin, sebebi, eger biz radıkaldy sharalar qabyldasaq, onda ádebıetti, aýdıo-beınejazbalarǵa qatysty sheshim qabyldaýymyz kerek. ıaǵnı, bir tyıym salýmen sheshiletin másele emes. 2014 jyldan beri «Aqnıet» ońtaılandyrý ortalyǵy dástúrli emes dinı aǵymǵa ketken 300 adamdy durys jolǵa salǵan. Biraq, olardyń qaıtyp sol aǵymǵa barmaıtynyna eshkim kepil bere almaıdy. Qazir teris aǵymǵa ketken 500-den astam adam jazasyn ótep jatyr»,-degen edi Ǵalym Shoıkın.
