Halyq banki Qazkomnyń aksıasyn satyp aldy. Endi klıentter úshin ne ózgermek? Bul jaıynda Halyq banktiń basshylyǵy aıtyp berdi.
Halyq banki Qazkom aksıasynyń 96,81%-yn satyp aldy. Budan buryn BTA banki Qazkomǵa 2,4 trln teńge kólemindegi qaryzyn qaıtarǵan. Onyń ústine, Qazkomda 185 mlrd teńge kólemindegi kapıtal ósimi josparlanǵan.
Atalmysh kelisim eki banktiń klıentteri úshin qandaı ózgerister alyp kelmek, sharttary men depozıtteri ne bolmaq, qandaı qyzmetter usynylmaq? Informburo.kz portalynyń málimetine súıene otyryp, Qamshy aqparat agenttigi oqyrman nazaryna usynady.
Qazkom jeke jumys isteıtin bolady
Klıentter arasyndaǵy eń mańyzdy suraq: Qazkom endi bolmaı ma álde óziniń burynǵy atymen jumysyn jalǵastyra ma? QR Ulttyq bankiniń baspasóz qyzmetinde habarlanǵandaı, «kelisim jasalǵan soń eki bank ózindik qarjylyq ınstıtýt retinde jumystaryn jalǵastyratyn bolady. Salymshylarynyń, nesıe berýshileriniń, ınvestorlarynyń aldynda óz mindetterin búrynǵysha jalǵasytardy». Iaǵnı, ár bank óz brendin saqtap, sol qalpynda jumys jasaıdy.
Banktik kartochkalar jaıly...
Eki banktiń de qarapaıym klıentterin qarjy naryǵyndaǵy iri oıynshylardyń múddeleri qyzyqtyrady, aqshalyrna ne bolatyny tolǵandyrady. Birden mynadaı suraq týyndaýy múmkin: úırenshikti plasıkalyq kartochkany jańasyna aýystyrý kerek pe? Jaýaby: joq. «Qazaqstan Halyq banki» AQ basshysynyń orynbasary Qazkomnyń satylǵany klıentterge zıanyn tıgizbeıtinin eskertti.Kartochka máselesi boıynsha da, depozıtteri turǵysynan da.
«Qazkomnyń qyzmetteri saqtalady. Shottaǵy aqsha kez-kelgen ýaqytta jaramdy. Qazkom jeke ıntstıtýt retinde depozıttik saıasatyn jalǵastyratyn bolady. Esterińizge salamyn, Halyq bank pen Qazkom naryqtaǵy kóshbasshylar».
Onlaın-bankıng saqtala ma?
Sondaı-aq klıentterdi mazalaıtyn kezekti suraq: onlaın-bankıngke baılanysty ózgerister. Halyq banktiń málimdemesine sáıkes, bul turǵydan da qyzmet kórsetý burynǵy qalpynda qalady.
«Onlaın-bankıngtiń eki júıesi – homebank jáne myhalyk – klıentteri úshin qalypty rejımde qyzmetin jalǵastyrady», - dep túsindirdi Halyq bankiniń ókili.
Nesıeni qaıta qurylymdaý qajet pe?
Óz kezeginde, BTA bankten nesıe alǵandar Qazkomǵa kóshken sátte nesıelerin de qosa aýdarǵan. Ári bul proses uzaq jáne qıyn boldy. Tipti keıbiri áli kúnge deıin aýdaryp bitpegen kórinedi. Al endigi ózgeristerge sáıkes Halyq banki esh ýaıymdaýydń qajeti joq ekenin málim etti.
«qazkom klıentteri ýaıymdaıtyndaı eshteńe joq. Nesıeni Halyq bankine aýystyrý jóninde jospar qurylmaǵan. Bul kelisimdi BTA men Qazkomnyń kelisimimen salystyrýǵa kelmeıdi. Ol kezde eki bankti kezeń boıynsha birtindep biriktirgen – bankomattary men bólimsheleri, ónim jelileri, tutynýshy negizderi», - dep túsindirdi Marat Álmenov.
Halyq bank ne sebepti Qazkomdy satyp aldy?
Bir jaǵynan, bul kelisim eldiń qarjylyq júıesin retke keltirip, berik etedi. Ekinshi jaǵynan, qarjy naryǵyndaǵy oıynshylardyń sanyn, sondaı-aq básekelestikti qysqartady.
Ekonomıs Aıdarhan Qusaıynov eki banktiń kelisimin komersıalyq dep baǵalady.
«Meniń oıymsha, bul kelisim – naryqtyq. Kelisimniń sharty – BTA aktıvterindegi problemalyq nesıeler qoryn satyp alý. BTA Qazkom aldyndaǵy 2,4 trıllıon teńge kólemindegi qaryzyn óteý kerek», - dep pikir bildirgen Aıdrhan Qusaıynov.
Ekonomısiń pikirinshe, atalmysh kelisim arqyly banktik júıe nyǵaıady.
Aýdarǵan: Gúlim Jaqan
