Máskeý turǵynyna «Kámelet jasqa tolmaǵan balaǵa seksýaldy zorlyq kórsetti» degen aıyp taǵyldy, dep habarlaıdy Qamshy aqparattyq agenttigi NTV arnasyna silteme jasap.

Derekterge sáıkes, 2007 jyly shilde aıynda er adam 9 jastaǵy balamen tanysyp, birge turaıyq degen usynys aıtqan. Ol bala kelisip, úıinen ketip qalǵan.

«Qylmysker birneshe jyldar boıy balany dalaǵa shyǵarmaı, basqa adamdardan tyǵyp ustaǵan. Balanyń dármensizdigin paıdalanyp, er adam oǵan seksýaldy zorlyq kórsetken», - deıdi quzyrly organdar.

2007 jyly balanyń joǵalǵanyna qatysty qylmystyq is qozǵalyp, federaldy izdeý jumystary júrgizilgen bolatyn. Nátıjesinde, balanyń qaıda ekendigi anyqtalyp, kámelet jasqa tolmaǵan balaǵa zorlyq kórsetken pedofıl qolǵa tústi. Tergeýshilerdiń aıtýynsha, qylmysker óz kinásin moıyndap, jasaǵan qylmysyn aıtyp bergen.

Belgili bolǵandaı, qylmysker 2001 jyly da osyndaı aıyppen sotty bolǵan eken. Qazirgi tańda balanyń týystary izdestirilip, pedofıldiń basqa da qylmystarǵa qatysy bar-joq ekendigi anyqtalýda.