Oqyrmandardan kún saıyn júzdegen hat kelip túsedi. Solardyń birin Túrkistan qalasynyń turǵyny joldaǵan. Azamat (jeke basynyń qaýipsizdigi úshin aty ózgertildi) esimdi hat joldaýshynyń sózinshe qaterli isikke shaldyqqan týysqan aǵasy emshi bala Erbosynǵa barǵannan keıin úsh aıdan soń kóz jumǵan, dep jazady Qamshy aqparattyq agenttigi Islam_nasikhat paraqshasyna silteme jasap.
«Dárigerler aǵama «isheginde qaterli isik bar» degen dıagnoz qoıdy. Biraq olar búgin-erteń óledi dep aıtpaǵan bolatyn. Osy ýaqytqa deıin aýrýhanadan turaqty túrde emin alyp, óz aıaǵymen júrgen bolatyn. Kimnen estigeni belgisiz «Erbosyn degen balaǵa baramyn. Nebir aýrýdy jazyp jiberedi eken» dep, byltyr aptaǵan ystyqta jolǵa shyǵyp ketti.Sol boıy aýrýhanadaǵy emi de úzildi. Kelgen soń dárigerge kórinseńshi dep edik. Men jazylyp kettim dep, em qabyldamaı qoıdy. Artynsha jaǵdaıy nasharlap, úsh aıdan soń kóz jumdy. Tósek tartyp qalǵan kezinde aýrýhanaǵa aparsaq dári qabyldamaǵannan isigi asqynyp ketipti»,- deıdi hat ıesi.Osy oraıda biz elge emshiligimen tanymal bolǵan jetkinshektiń shyn máninde kim ekenin bilý úshin kásibı proffaılıng (adamnyń sózimen, is-qımylyna qarap minezdeme beretin maman) sarapshynyń kómegine júgindik.
Maqsatymyz – qamshysymen sabap shıpa beretin oqýshynyń rasymen de kim ekenin anyqtaý.Janna Nurseıtova emshi bala Erbosynnyń ǵalamtorda tolyp júrgen vıdeolaryn kórip shyǵyp, ony «kásibı alaıaq» dep atady.«Men bul balanynyń vıdeosyn 3-4 jyl buryn kórgenmin. Ol kezde óziniń emshi ekenine ol kúmánmen qaraıtyn jáne ózi bul isine, qylmysyna uıalatyn edi. Qazirgi ol emshi emes ekenin jaqsy túsinedi jáne isine uıalmaıtyn halge jetipti.Bul qorqynyshty.Onyń kóz ushqyny, sóılegen sózine, mımıkasyna qarap otyryp-aq, aqsha men ataq, bılikke qushtar ekenin túsiný qıyn emes. Ol sóıleýdiń sheberi. Buryn kishkene ejiktep sóılese6 qazir sózdiń maıyn tamyzatyn sheshen. Mundaı halge qalaı jetti deısiz be? Kún saıyn ol 200 adamdy qabyldap, árqaısysymen sóılesedi. Sodan kelgen tájirıbe.Shyn mánisine kelsek, Erbosynnyń boıynda eshqandaı da qasıet joq. Ol – naǵyz tájirıbeli alaıaq. Bul qylmysqa ony sheshesi nemese úlken týystary ákelgen.
Iaǵnı, sen -qasıettisiń, aýrýdy emdeısiń dep balanyń mıyna sińdirip qoıǵan» ,- dedi bedel jáne abyroı isi jónindegi sarapshy.Myqty bolsa nege ortalyqqa kelip emhana ashpaıdy?Janna Nurseıtova Erbosyn Serikbaevtyń – aqyldy qý ekenin alǵa tartady.«Bul bala shynymen emshi, qasıetti bolsa nege Almaty men Astananyń ortasynan kelip bólimshe ashyp emdemeıdi? Erbosyn men onyń týystary bul isti ólse jasamaıdy. Sebebi, qalada turatyn azamattar mundaı alaıaqtarǵa senbeıdi, sosyn barmaıdy. Al, olarǵa aqsha ákeletinder kerek. Sol úshin olar Araldaǵy alys aýylda turyp jatyr.
Iaǵnı, bul balaǵa emdelýge baratyndardyń 80 paıyzynyń bilimi taıazdar. Olar Erbosyn aıtqan ertegi men ańyzǵa senedi. Qalada tursa onyń ótirikteri áleýmettik jeli arqyly ashylyp qalýy múmkin»Emshi bala Erbosyn — qoǵamǵa óte qaýipti adamTanymal sarapshy osy kúnge deıin Erbosyndy zerttep kórip ol týraly óz pikirin ǵalamtorda jarıalaǵan eken. Osyny kórgen reseılik ata-ana qyzdaryn bala emshige aparyp, sal qylyp qaıtqanyn aıtypty.«Mende reseılik úsh azamattyń hattary áli saqtaýly tur. Birinde kishkene qyzdaryn Erbosynǵa emdetemiz dep ýaqytyly dárigerge kórsetpeı múgedek qylyp alǵany jazylǵan.
Tipti, olar ókinishterin kimge aıtaryn bilmeı, kúnde jylaıdy eken. Men osy azamattardyń opyǵy basqa otandastarymyzǵa sabaq bolsa eken deımin. Sebebi, soqyr senimge erip biri — múgedek, biri- qaıtys boldy.Kún saıyn bala emshige orta eseppen 200 adam barady eken. Al, olardyń nesheýi jazyldy, nesheýi óldi, bilip jatqan eshkim joq. Quzyrly organ tarapynan bularǵa nege tekseris joq ekenine men tań qalam. Zań boıynsha tıym salý kerek mundaı emshilerge. Bul degen baryp turǵan qylmys qoı. Shyn mánisinde emshi bala Erbosyn – qoǵamǵa óte qaýipti adam» , — dedi proffaılıng.Onyń tanymal bolýyna jýrnalıser de kináli.
Sóz arasynda sarapshy jas emshiniń tanymal bolyp, jurtty ózine úıiretine tilshilerdi de kinálady.«Emshi bala shyqqan ýaqytta elimizdegi barlyq BAQ ol týraly jarysa jazdy. Jalpy jýrnalıser «men osy azamat týraly jazyp otyryp, basqa adamnyń ómirine qaýip tóndirmedim be?» degen jaýapkershilikti umytpaýlary qajet. Tilshilerdiń maqalasyna sengen jurttyń bári sol balaǵa aǵyldy. Qaıtsin endi, halyq úshin áıteýir bir nársege sený kerek.Aýrý qysqan kezde, tipti bul senim degen nárse sharyqtap ketedi. Al, Erbosynnyń qamshysynan taıaq jegen soń jazylyp kettim degender týraly aıtar bolsam. Ol aýrý onsyz da jazylatyn edi. Tek ishki senim jetispegen ol azamatqa», — dedi Janna Nurseıtova.
Erbosynnyń eseıgen kezdegi vıdeosyn kórgen sarapshy oqýshynyń qaıtadan qarapaıym ómirge, týra jolǵa túse almaıtynyn aıtty. Sebebi, aqsha men bıliktiń dámin tatqan onyń boıynda ókinish ushqyny da joq eken. Balanyń beınesinen ótirik kóp baıqalady degen maman «eger ol emshilikti tastasa jaqsy ustaz shyǵatyn» edi degen pikirin bildirdi.Ǵalamtor jelisin aqtaryp otyryp baıqaǵanymyz Erbosyn Serikbaevtyń emin alý úshin naýqastar tek Qazaqstannan ǵana emes, alys-jaqyn shetelden de aldanyp keledi eken.
