Ortalyq komýnıkasıalar qyzmetinde 2017 jyly shilde aıynda «Meniń armanym» atty áleýmettik mańyzy bar jobalardyń ulttyq baıqaýynyń bastalýyna arnalǵan baspasóz konferensıa ótti dep habarlaıdy Qamshy.kz aqparat agenttigi.
Baspasóz konferensıaǵa QR BǴM Ǵylym Komıtetiniń tóraǵasy Bolatbek ABDRASILOV, «Rýhanı jańǵyrý» joba basqarmasynyń bastyǵy Arman EVNIEV, «SUCCESS K» strategıalyq baılanystar jónindegi agenttiginiń bas dırektory Lázzat KÓKKÓZOVA qatysty.
«Meniń armanym» baıqaýy eń qyzyq, biregeı áleýmettik mańyzy bar jáne jas jańashyldardyń jalpyǵa paıdaly bastamalaryn anyqtaıdy jáne de olardyń áleýmettik belsendiligi men áleýmettik-shyǵarmashylyq qabiletteriniń damýyn dáriptep, qatysýshylardyń zıatkerlik áleýetin jetildirýge múmkindik jasaıdy», - dep B. Abdrasılov atap ótti.
Bul joba N.Á. Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyńda kórsetilgen ıdeıanyń is júzinde iske asyrýy bolyp tabylady jáne de «Rýhanı jańǵyrý» baǵdarlamasynyń qoldaýymen ótkiziledi. Baıqaýdyń uıymdastyrýshysy – «SUCCESS K» strategıalyq komýnıkasıalar agenttigi.
Baıqaýdyń basqa da maqsaty synı oılaý fılosofıasyn dáripteýge baǵyttalǵan bilim berý úderisterine járdemdesý: qazirgi zamandy tolyq uǵyný, máseleni sheshýdegi balama joldardy kórý, jańa ıdeıalardy usyný qabileti, stereotıpterdi eńserý, ózgelerdiń oı-pikirin durys baǵalaý jáne de óz ustanymyn dáleldi jaqtaý bolyp tabyldy.
Baıqaýǵa 14 pen 29 jas arasyndaǵy qazaqstandyqtar: orta mekteptiń joǵarǵy synyp oqýshylary, kolej pen proftehnıkalyq mektep oqýshylary, úkimettik emes uıymdar ókilderi, JOO-nyń stýdentteri, jas jańashyldar qatysa alady.
Qatysýǵa ótinimder 20 shilde men 1 qyrkúıek aralyǵynda baıqaýdyń resmı saıtynda www.meninarmanym.kz qabyldanady. Baıqaýǵa qatysý aqysyz. Jobalardy aqparattyq (IT), bilim, tehnologıalyq, ekologıa jáne áleýmettik-mádenıet baǵyttary boıynsha usynýǵa bolady. Baıqaýdyń jeńimpazy qarjylyq turaqtylyǵy men táýelsizdiligin kepildeı alatyn, birtýma, paıdaly áleýmettik joba bolady.
«Meniń armanym» baıqaýynyń aqtyq kezeńi teledıdarlyq áleýmettik- zıatkerlik shoýdan turatyn bolady. Aqtyq jarysqa qatysýǵa eń úzdik 64 jobanyń avtory Astana qalasynda jınalady. Jobalardy Qazaqtan Respýblıkasynyń áıgili qoǵam qaıratkerleri, saıasatkerleri men kásipkerlerinen quralǵan qazylar alqasy baǵalaıtyn bolady. «Meniń armanym» jastar arasyndaǵy áleýmettik jobalar Ulttyq baıqaýynyń jeńimpazy 5 000 000 tengeni ıelenedi.
