Qazaqstannyń jańa Keden kodeksi qujat jumystaryn barynsha avtomattandyrýdy kózdeıdi. Osylaısha, taýar tasıtyn kásipkerler barlyq deklarasıalaryn aqparattyq júıe arqyly úıden shyqpaı-aq tapsyra alady, dep habarlaıdy Qamshy.kz aqparat agenttigi QazAqparatqa  silteme jasaı otyryp.

Budan bólek, keden salyqtaryn tóleýdiń jańa júıesi engiziledi. Oǵan sáıkes, deklarant bir avanstyq tólem jasaıdy, al aqparattyq júıe ony baj salyǵy jáne taǵy basqa salyq túrlerine bólip tastaıdy.

«Sosyn kedendik salyqtardy tóleýdi bir aıǵa deıin shegerýge múmkindik bar. Alaıda artynan paıyzyn tóleýge týra keledi. Salyq tóleýdi alty aıǵa deıin paıyzsyz shegerý múmkindigi de qarastyrylǵan. Ondaı shara barlyǵyna taralmaıdy. Máselen, aýyl sharýyshylyǵy tehnıkasyn jetkizý, asyl tuqymdy maldy tasymaldaý jáne taǵy birqatar salalar boıynsha alty aılyq salyqsyz kezeńdi paıdalanýǵa bolady», - dedi QR Ulttyq ekonomıka mınıstri Ernar Bákenov búgin Kodeks jobasyn talqylaýǵa arnalǵan jıynda.

Búginde otandyq kásipkerler jańa Keden kodeksin qoldap otyr. Alaıda kásipkerler aqparattyq tehnologıalardyń qujatta qalaı kórsetilse, is júzinde de solaı engizilgenin qalaıdy. Kodekstiń jobasy áli de talqylanatyn bolady. Kúzge qaraı ony Parlament Májilisiniń qaraýyna engizý josparlanǵan.