Ortalyq komýnıkasıalar qyzmetinde QR Investısıalar jáne damý mınıstrligi Investısıalar komıteti tóraǵasynyń orynbasary Larısa Jumaǵalıevanyń, Polsha Respýblıkasynyń Kásipkerlikti damytý agenttigi tóraǵasynyń orynbasary Nına Dobjynskaıanyń, «EKSPO-2017» kórmesindegi polák seksıasynyń bas komısary Andjeı Stefanskıı men Polshanyń Qazaqstandaǵy Elshiliginiń ókili T.Zapalskııdiń qatysýymen Qazaqstan – Polsha ekonomıkalyq yntymaqtastyǵyna arnalǵan baspasóz konferensıasy ótti dep habarlaıdy Qamshy.kz aqparat agenttigi.
Qazaqstan jáne Polsha arasyndaǵy ekonomıkalyq baılanystardy kúsheıtý, polák ınvestısıalary, taýarlary men qyzmetterdiń qazaqstandyq naryqqa qatysýyn keńeıtý maqsatynda, Polsha Astanadaǵy EKSPO-2017 kórmesine belsene qatysýda. «Bolashaq energıasy» atty polák pavılony zamanaýı kómir tehnologıalary, óndirýdiń jasyl tehnologıalary, elektrlik energıa men bıomassany óndirý, sondaı-aq, energetıkalyq naryqty sıfrlandyrý túrinde usynylǵan.
EKSPO-2017 kórmesine polák eli qatysýynyń eń basty oqıǵasy Polshanyń Prezıdenti Andjeı Dýdanyń Astanaǵa saparynyń aıasynda ótetin Polsha ulttyq kúni jáne ú.j. 6-7 qyrkúıekte Qazaqstan – Polsha bıznes-forýmy bolady. Bul Qazaqstan – Polsha kásipkerleriniń ekinshi forýmy bolyp tabylady. Birinshisi Varshavada 2016 jylǵy 23 tamyzdaǵy Qazaqstannyń Prezıdenti Nursultan Nazarbaevtyń Polshaǵa memlekettik saparynyń aıasynda ótken. Ótken jylǵy forýmnyń nátıjesi ekijaqty saýda-ekonomıkalyq jáne ınvestısıalyq yntymaqtastyqtyń aıtarlyqtaı jandandyrýǵa múmkindik bergenin atap ótý kerek: Polsha Damý mınıstrliginiń málimetteri boıynsha 2017 jyldyń birinshi jarty jylynyń ishinde ekijaqty taýar aınalymy 601,9 mln.eýrony qurap, 2016 jyldyń sol kezeńine qaraǵanda 75%-ǵa ulǵaıdy; qazaqstandyq eksport 90%-ǵa ulǵaıyp, 389,1 mln. eýrony qurady (2016 j.-205 mln.eýro), al Polsha ımporty 54,5%-ǵa ulǵaıyp 212,8 mln.eýro qurady (anyqtama: QR QM MKK málimetteri boıynsha 2017 j. qańtar-maýsymda taýar aınalymy $314,57 mln. ($432,13 mln. 2016 jylda - 37%-ǵa tómendedi), Eksport - $171,8 mln., ımport – $142,74 mln. 2016 jyldaǵy taýar aınalymynyń jalpy kólemi $759,4 mln.).
Búgingi kúnde Forýmǵa 240 polák ókilderiniń qatysqandyǵy rastaldy, onyń ishinde 140-tan astamy kompanıalar. Polsha Respýblıkasynyń Kásipkerlikti damytý agenttigi tóraǵasynyń orynbasary N.Dobjynskaıa atap ótkendeı, elordalyq forýmǵa tirkelgen qatysýshylardyń sany polák bıznesiniń qazaqstandyq naryqqa qyzyǵýshylyǵyn rastaıtyn, kóshpeli bıznes-forýmdardy ótkizý tarıhyndaǵy eń mańyzdylarynyń biri bolyp tabylady.
Brıfıńtiń qatysýshylary forýmdy uıymdastyrý jańa ekonomıkalyq yntymaqtastyqtyń baǵyttaryn talqylaýǵa, sonyń ishinde «Bir beldeý, bir jol» Jibek joly jobalaryn damytý jaǵdaıy, sondaı-aq, iskerlik baılanystardy odan ári keńeıtý, ekonomıkalyq ózara árekettestiktiń deńgeıin ulǵaıtý jáne Qazaqstan Respýblıkasyna polák ınvestısıalaryn ulǵaıtýǵa tamasha múmkindikti beretinin basa aıtty. İs–sharanyń mańyzdy komponentteri aımaqaralyq yntymaqtastyq bolady. Qazaqstandyq oblystarmen tikeleı baılanystardy ornatý úshin Forýmǵa marshalaktar (ákimder) basqaratyn 5 polák voevodstvolar delegasıasy (Lodzınsk, Nıjnesılezsk, Sventokshyshsk, Podlásk jáne Lúbelsk) qatysady. Forýmnyń qorytyndysy boıynsha qazaqstandyq jáne polák kompanıalary arasynda ekonomıkalyq kelisimder jasaý josparlanýda.
EKSPO-2022 ótkizý quqyǵy úshin Lodz polák qalasynyń qatysý turǵysynda, EKSPO-2017 kórmesi polák áriptester úshin qazaqstandyq áriptestermen dıalogty damytý boıynsha tamasha múmkindik bolyp tabylady. Astananyń sátti tájirıbesin eskere otyryp, bas komısar A.Stefanskıı, qazaqstandyq jáne polák taraptary arasynda EKSPO kórmesin ótkizý boıynsha bolashaqta keńester uıymdastyrýdy eskertti.
Sondaı-aq, ú.j. 7 qyrkúıekte EKSPO-2017 kórmesi barysynda polák prezıdentiniń qatysýymen Polsha Ulttyq kúnine, Qazaqstanda turatyn polák dıasporasyna arnalǵan saltanatty sharalar ótkizý kózdelgen. «Astana Balet» konsert zalynda gala-konserti, Polsha Úlken teatrynyń qoıylymy men basqa sharalar ótkizý josparlanýda.
