EKSPO-2017 Halyqaralyq mamandandyrylǵan kórmesi aıasynda Gondýras Respýblıkasynyń Ulttyq kúni atap ótildi dep habarlaıdy Qamshy.kz aqparat agenttigi. Gondýras memleketi Tynyq jáne Atlant muhıty aralyǵynda joldy jaqsarta, áýe jáne júk tasymalymen, bilikti mamandarmen Ortalyq Amerıkada logıstıka ortasyna aınalýdy. Bul týraly is-shara barysynda Gondýras Syrtqy ister jáne halyqaralyq yntymaqtastyq mınıstri Dolores Agýero Lara Marıa málimdedi.
Onyń aıtýynsha, memleket jańǵysh energıany qoldanýdy azaıtý máselelerin sheshýde úlken jumys atqarýda. Memleket jańǵysh energıany jańartylatyn energıa kózderine almastyrýda. «Bolashaq energıasy» kórme taqyryby jahandyq jylyný jáne klımattyq ózgeris oryn alǵan zamanda eleýli máselelerdiń qataryna kiredi.
«1992 jyly Rıodaǵy Jer Samıtinen bastap klımattyq ózgeris boıynsha halyqaralyq sharalar qoldanylýda. 2015 jyly Parıjde ótken klımat ózgerisi jónindegi konferensıasynda adamzattyń atmosferaǵa parnıktik gazdardyń shyǵarylymyn turaqtandyrý qajettiligi atap ótildi. Memleketimizde parnıktik gaz shyǵarylymynyń úlesi az, alaıda 1996-2015 jyl aralyǵynda klımattyq ózgeristerdiń jahandyq qaýipteri kórsetkishi boıynsha elimiz álem boıynsha osal memleketterdiń qatarynda boldy. Búgin, barshamyz, ulttar men halyqtar bir-birimizge táýeldiligimizdi túsine, ózimizdi jáne bolashaq urpaqty jarqyn álemmen qamtamasyz etý úshin ózara tıimdi árekettesýimiz qajet», - dep Dolores Agýero Lara Marıa habarlady.
Qazaqstan Respýblıkasy Densaýlyq saqtaý mınıstriniń orynbasary Alekseı Soı óz kezeginde EKSPO-2017 kórmesi eki jaqty qatynastyń nyǵaıýyna múmkindik beretindigin atap ótti.
«Qazaqstan saıası, ekonomıkalyq, ǵylymı-tehnıkalyq jáne mádenı salalalarda, sondaı-aq densaýlyq saqtaý, atap aıtqanda, medısınalyq saqtandyrý jáne týrızm salalarynda yntymaqtastyqty nyǵaıtýǵa múddeli. Qazaqstan jáne Gondýras Respýblıkasy arasyndaǵy dıplomatıalyq qarym-qatynas 1995 jyly 28 qarashada ornatyldy. Gondýras Respýblıkasynyń EKSPO-2017 kórmesine qatysýy elderimiz arasyndaǵy eki jaqty ózara tıimdi yntymastyqtyqty nyǵaıtýǵa múmkindik beretinine kámil senemin», - Alekseı Soı dep baıandady.
Gondýras Respýblıkasy - kún energetıka úlesi boıynsha álemdegi jetekshi el. ENEE Gondýras memlekettik energetıkalyq kompanıasynyń statısıkalyq málimetteri boıynsha 2016 jyly memlekette elektr energıanyń 10,2% fotoelektrli kún elektr stansıalarynda óndirildi. Bul álemdik kórsetkish boıynsha rekordtyq nátıje.
