Aqtóbede qaıtys bolǵan Serikbolsyn Kósherbaıdyń aǵzalaryn alǵan dárigerlerge qatysty sotqa deıingi tergeý amaldary toqtatyldy dep habarlaıdy Qamshy.kz aqparat agenttigi "Dıapazon"-ǵa silteme jasap.
«Dárigerlerdiń áreketin tekserip, oǵan quqyqtyq baǵa berilgennen keıin tergeý transplantasıaǵa qatysty suraqtardy retteıtin ereje buzylmady degen uıǵarymǵa keldi» dedi Aqtóbe oblystyq prokýratýranyń basshysy Jasulan Dáýlembaev.
Aqtóbe prokýratýrasy qabyldanǵan sheshimniń zańdy nemese zańsyz ekenin tekserip jatyr.
Esterińizge sala keteıik, dárigerler maýsym aıynda qaıtys bolǵan 22 jastaǵy Serikbolsyn Kósherbaıdyń týystarynyń ruqsatynsyz onyń aǵzalaryn alyp eki basqa adamǵa salǵan. Onyń týysqandary bul týraly tek máıithanada bildi.
Keıinirek densaýlyq saqtaý mınıstrliginiń baspasóz qyzmeti «Halyqtyń densaýlyǵy men densaýlyq saqtaý salasy» kodeksine sáıkes, týystary nemese qaıtys bolǵan adam tiri kezinde transplantasıaǵa qarsymyn dep aıtpasa dárigerler onyń aǵzasyn ala alatynyn habarlady.
