Qazaqstan Respýblıkasynyń irgetasy - «Alashordanyń» qurylǵanyna 100 jyl tolýyna oraı «Qamshy» portaly bıyl «Alashorda – 100 jyl» jalpyhalyqtyq sharalaryn bastaǵan bolatyn. Qysqasha aıtar bolsaq, Alash arystaryna arnap 5 naýryzda as berildi,15 sáýirde 100 aǵash otyrǵyzyldy.

«Qamshy.kz» aqparat agenttigi jyl basynda jarıalaǵandaı, jalpyhalyqtyq is-sharany jalǵastyrady. Atap aıtqanda qazan, qarasha aılarynda 100 jetim balaǵa kıim- keshek syılaý, 100 stýdentke bir jolǵy stıpendıa taǵaıyndaý aksıasyn júzege asyrmaq. Al, Jeltoqsan aıynda elge, memleketke aıryqsha qyzmet etip jatqan 100 tulǵany daýys berý jolymen saralaý iske asatyn bolady.

Osy oraıda «Qamshy.kz» aqparat agenttigi oqyrmandardan, Jetim-jesir jandarǵa qolǵabys tıgizgisi keletin atymtaı jomart adamdardan, Úlgerimi jaqsy bolǵanymen materıaldyq qıyndyǵy bar stýdentterge kómekteskisi keletin jandardan redaksıaǵa hat-habar kútedi.

Sondaı-aq, ózińizdiń aınalańyzda, tanystaryńyz arasynda kómekke muqtaj stýdentter men jetimdik tartyp júrgen qarakózderdiń de baılanys derekterin berip, kómektesýińizge bolady. Qaıyrymdylyq sharasyna kez-kelgen adam qatysa alady.

Ata-anasy joq, jetimder úıinde tárbıelenip jatqan jasóspirimderge bir jolǵy qamqorlyq jasaý qyrkúıek aıynyń sońyna josparlanǵandyqtan az ǵana ýaqyt qaldy. Sizderden «Qamshy.kz» aqparat agenttiginiń kezekshi jýrnalısi qońyraý kútedi.

Jazıra Baıdaly +7 701 708 2725​