Ult kósemi Álıhan Bókeıhannyń týǵan kúnine baılanysty uıymdastyrylǵan "ALASH JÁNE DİN" derekti fılmi shyqty. Derekti fılmdi Sh.Murtaza atyndaǵy halyqaralyq Taraz ýnıversıtetiniń qoldaýymen ORDA LIFE ıýtýb-kanaly túsirgen.
Álıhan Nurmuhameduly 1866 jyldyń 5 naýryz kúni Qaraǵandy oblysy Aqtoǵaı aýdanynda dúnıege kelgen. Keler jyly Ult kóseminiń 160 jyldyq mereıtoıy kele jatyr. Sondaı-aq bıyl Baqytjan Qartaevtyń 165, Ǵumar Qarash pen Sálimgereı Jantórınniń 150, Mirjaqyp Dýlatulynyń 140 jyldyq mereıtoıy atalyp ótiledi. Jýrnalıs Serik Joldasbaı osy mereıli dataǵa oraı Alash arystarynyń dinı ustanymy jaıly zertteýin kórermenge usyndy.
Derekti fılm HİH ǵasyrdyń aıaǵy men HH ǵasyrdyń basyndaǵy elimizdegi dinı ahýal týraly. Iaǵnı, fılmde 1905 jylǵy áıgili Qarqaraly petısıasyn da sóz bostandyǵy men ana tilinde oqýdan bólek dinı erkindik problemasy kóterilgen.
Pikir qaldyrý