2025 jyldyń 4 naýryzynda Almaty qalasyndaǵy № 4 kitaphanada Turaqty damý maqsattary (TDM 4) aıasynda «HHİ ǵasyr daǵdylary» atty tanymdyq trenıń ótti. İs-sharany ál-Farabı atyndaǵy QazUÝ https://farabi.university/ Pedagogıka jáne bilim berý menedjmenti kafedrasynyń dosenti, ped.ǵ.k. B.I. Imanbekova jáne  Qazaq ádebıeti men ádebıet teorıasy kafedrasynyń aǵa oqytýshysy, f.ǵ.d. G.J. Bolatovanyń jetekshiligimen «8D02304 – Ádebıettaný» mamandyǵynyń 1-kýrs doktoranttary uıymdastyrdy. Trenıńtiń maqsaty – tehnologıa qarqyndy damyp, jumys naryǵy ózgerip, álemdi jahandaný basqan HHİ  ǵasyrda kez kelgen salada tabysty bolýǵa jáne ómirdiń ózgeristerine beıimdelýge kómektesetin jańa daǵdylardy meńgertý.

Trenıńke Qara shańyraq fılologıa fakúltetiniń 2, 3-kýrs stýdentteri men doktoranttary,  joǵary oqý ornyna deıingi daıyndyq kafedrasynyń shetel azamattary, sonymen qatar Qazaq ulttyq qyzdar pedagogıkalyq ýnıversıtetiniń stýdentteri qatysty.

Trenıń barasynda stýdent jastardy aqparatty krıtıkalyq oılaý jáne analız jasaý, taldaý kerektigi túsindirýge baǵyttalǵan krıtıkalyq (synı) oılaý, qazirgi qoǵamdaǵy túrli baǵyttaǵy manıpýlásıalardyń (túrli jarnamalardyń) aldyn alý jáne sezimderdi ýaqytynda tıimdi basqarý joldaryn kórsetken emosıonaldy ıntellekt, jeke qarjysyn tıimdi basqarý, tabys pen shyǵystardy josparlaý, jınaq jasaýdy túsindirgen qarjylyq saýattylyq, ýaqytty tıimdi jumsaý, maqsat qoıý men jospar jasap, ony júzege asyrýdyń joldaryn usynǵan ýaqytty tıimdi paıdalaný jáne basqarý, durys tamaqtanyp, sport jattyǵýlaryn únemi jasaǵan adam ónimdi jumys isteıtindigin dáleldegen salaýatty ómir saltyn saqtaý, táýekelderge baryp sheshim qabyldaý joldaryn anyqtaǵan sheshim qabyldaý daǵdylarymen tanystyrdy sondaı-aq trenıń júrgizýshi doktoranttar tarapynan tyń aqparattary berildi. Ár daǵdy boıynsha perezentasıalyq tanystyrylymdar, vıdeo-rolıkter kórsetildi, oıyndar oınatyldy. Trenıńte aıtylǵan máselelerdi qorytyndylaý maqsatynda suraq-jaýap ádisi júrgizildi. Úzdik, belsendi stýdentter syılyqtarmen marapattaldy.  İs-sharaǵa qatysýshylar arnaıy QR kod arqyly is-sharaǵa óz pikirleri men áserlerin bildirdi. Ásirese Atamekenge bilim izdep kelgen qandastar osyndaı mádenı-tanymdy is-sharaǵa óte rıza.

Ál-Farabı atyndaǵy Qazaq ulttyq ýnıversıteti

1-kýrs doktoranttary G.K. Ýtepbergenova, G.M. Mýjıgova, K.S. Sábıt,