Búgin Úkimettiń selektorlyq rejimdegi otyrysynda QR Premer-Mınıstri Baqytjan Saǵyntaev «QazMunaıGaz» vıse-prezıdenti Danıar Berlibaevty qyzmetinen bosatty, dep Qamshy.kz aqparat agenttigi QazAqparatqa silteme jasap  habarlaıdy.

Úkimet basshysy ulttyq kompanıa vıse-prezıdenti eldegi benzınge qatysty ahýaldy retteýde óziniń mindetin oryndaı almaǵandyǵyn basa aıtty. «Premer-Mınıstr jáne «Samuryq-Qazyna» UK» AQ Dırektorlar keńesiniń tóraǵasy retinde óz mindetin tıisti deńgeıde oryndaı almaǵan «QazMunaıgaz» basqarmasy tóraǵasyna sógis túrindegi tártipti jazany belgileý boıynsha sharalardy belgilengen tártippen qabyldaýdy tapsyramyn. Sonymen qatar óz mindetin tıisti deńgeıde oryndaı almaǵan «QazMunaıGaz» UK» basqarmasy tóraǵasynyń orynbasary Danıar Berlibaevtyń ókilettigin toqtatý týraly sheshim qabyldaý qajet», - dedi Baqytjan Saǵyntaev.