Almaty ákimi İskerlik Keńestiń otyrysyn ótkizdi, onda megapolıste týrızmdi damytý máseleleri talqylandy. Baýyrjan Baıbek Almatyda 2020 jylǵa deıin týrızmdi damytýdyń Keshendi baǵdarlamasyn jasaý úshin jınaqtalǵan barlyq usynystardy eskerýdi tapsyrdy, dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasaı otyryp.
Kezdesý barysynda Almaty ákimi búgingi kúni týrızmniń álemdik İJÓ-niń 10 paıyzyn quraıtynyn, bul trendtiń odan ári óse beretinin, sondyqtan «Almaty-2020» baǵdarlamasynda týrızmniń qala ekonomıkasynyń áleýetti salalaryn damytýda jańa draıver bolatynyn atap ótti.
«Qazirdiń ózinde Qazaqstanǵa kelgen árbir ekinshi sheteldik qonaq Almatyda bolady, degenmen qalanyń İJÓ-de týrızmniń úlesi tómen, nebári 1,5%-dy quraıdy. Týrızmdi damytýǵa qatysty 10 básekege qabiletti jáne basqa elderde júrgizilgen saraptama barysynda Almatyda týrızmdi óristetýdiń draıverine aınalatyn basymdyqtar bar ekeni anyqtaldy. Olardyń arasynda Uly Jibek jolyndaǵy qalamyzdyń myń jyldyq tarıhyn, IýNESKO-nyń Búkilálemdik eskertkishteriniń qataryn, damyǵan ınfraqurylym men tabıǵattyń alǵashqy kórinisterine jaqyndyǵyn keltirýge bolady. Almaty Ortalyq Azıanyń týrısik astanasy bolýǵa qabiletti», - dep atap ótti B.Baıbek.
Máselen, almatylyq týrónimniń básekege qabilettiligi jónindegi 25 el men qalalar reıtıńi boıynsha júrgizilgen saraptama Qazaqstan men Almatynyń 22 reıtıńte senimdi pozısıalarda turǵanyn kórsetti.
Bloom Consulting sáıkes el tanymdylyǵy brendi boıynsha biz 193 eldiń arasynda 98 – shi oryndamyz, al. Doing Business reıtıńinde 190 eldiń ishinen 36-shy oryndy ıelendik, qun men Mercer ómiriniń sapasy boıynsha 400 eldiń ishinen 178 orynǵa shyqtyq. Bular jaıly ómir súýrmen qatar bıznesti júrgizýge qolaıly normatıvti orta men múmkindiktiń bar ekenin kórsetedi.
İskerlik Keńeske qatysýshylar Almatyda týrızmdi damytýǵa qolaıly ortanyń qalyptasqanyn, qala kelbetiniń tartymdylyǵyn, týrısik destınasıanyń damýyna sporttyq, etno-mádenı, medısınalyq jáne oqıǵaly týrızmniń oń yqpal etetinin aıtty.
Degenmen, ortalyqtan sheshetin birqatar máseleler barshylyq. Olardyń qataryna týrızm statısıkasyn jetildirýdi, tik baǵyttar boıynsha avıa bıletterin qoljetimdi etýdi, vıza alýdy ońtaılandyrýdy jáne basqalaryn jatqyzýǵa bolady. Basqa da birqatar máseleler sóz boldy. Mysaly, búdjettik ornalastyrý barynsha tanymal bolǵanyna qaramastan, zańnamada hostel uǵymy múldem joq, bul osy baǵyttyń damýyna kedergi keltirýde. Almatyda sońǵy jyldary hostelder sany eki esege artty, 60-tan 120-ǵa jetti.
İskerlik keńes otyrysynyń qorytyndysy boıynsha megapolıs ákimi tıisti basqarmalarǵa 2020 jylǵa deıingi Almatyda týrızmdi damytýdyń keshendi baǵdarlamasyn ázirleý kezinde kóterilgen suraqtar men usynystardy esepke alýǵa tapsyrdy.
