OKQ aqparattyq alańynda «Aqyldy qalaǵa aınaldyrar qadam: Astana Innovations Challenge 2018 iske qosylady» taqyrybynda baspasóz konferensıasy bolyp ótti. «Sıfrlyq Qazaqstan» memlekettik baǵdarlamasyn iske asyrý aıasynda 24-25 aqpanda «Ashyq málimetter» taqyrybynda hakaton ótkizý josparlanyp otyr. Bul – Astana Innovations Challenge 2018 is-sharalary toptamasyndaǵy birinshi hakaton. Uıymdastyrýshylar atalmysh sharanyń daıyndyq barysy, qatysýshylary men erekshelikteri týraly egjeı-tegjeıli aıtyp berdi.

Astana qalasynyń ákimdigi tarapynan 24-25 aqpanda «Ashyq málimetter» taqyrybynda startap-jobalar baıqaýyn ótkizý josparlanyp otyr. Aldaǵy ótetin hakaton Astana Innovations Challenge 2018 toptamasyndaǵy aldyn ala josparlanbaǵan is-shara bolyp otyr. Sondyqtan shara uıymdastyrýshylary konkýrs jeńimpazdaryna birqatar qyzyqty sheshimder men tosynsyılar ázirleýde.

Baspasóz konferensıasynda sóz sóılegen spıkerler:

1. «Astana qalasynyń ınvestısıalar jáne damý basqarmasy» MM basshysy, Ábdiqadyrov Álisher Elisuly;
2. «Astana Innovations» AQ Basqarma tóraǵasy Oljas Sartaev;
3. MOST bıznes-ınkýbatorynyń bas dırektory, Álim Hamıtov;
4. «Elordany turaqty damytý ortalyǵy» JSHS dırektorynyń orynbasary Aǵlen Maqanova.

Bul hakatonnyń ereksheligi – memlekettik sheneýnikter, qoǵam qaıratkerleri, jýrnalıser, ınvestorlar men sarapshylar «Shynaıy dıalog jáne túıtkilderdi jekeleı sheshýge» qatysý maqsatynda kezdesedi. Atap aıtqanda, atalmysh talqylaý ázirleýshiler úshin qyzyqty bolmaq, olar jetekshi sarapshylar men memlekettik organdardyń birinshi basshylarynan búginde qandaı ázirlemeler suranysqa ıe ekenin jáne olardy iske asyrýda qalaı ınvestısıa tartý kerektigin bile alady.

Hakatonnyń qorytyndysy boıynsha 3 úzdik startap-joba iriktelip alynyp, olar áriptester – Microsoft Kazakhstan men Here Technologies kompanıalary  usynǵan 1 000 000 teńge mólsherindegi júlde qoryn ózara bólisedi.

Munan basqa, eń daryndy ázirleýshiler Máskeý qalasyna «Skolkovo» qoryndaǵy áriptesterimen tájirıbe almasýǵa bara alady.

Búkil hakaton boıy ázirleýshilerdiń jetistikterin memlekettik uıymdar men mekemeler ókilderi, áleýetti ınvestorlar, halyqaralyq kompanıalar men qorlar qyzmetkerleri qadaǵalaıtyn bolady.

Qatysýshylar 24-25 aqpan hakatonda sheshýi tıis máseleler:

• Astana qalasyndaǵy qoǵamdyq kólikti jáne kólik júıesin qadaǵalaý boıynsha servıster jasaý;
• avtobýstardaǵy jolaýshylar legin eskere otyryp, kólik lekterin josparlaý;
• halyqtyń qala is-sharalary boıynsha habardarlyǵyn arttyrý;
• qalanyń ekologıalyq ahýalyn úlgileý jáne halyqty aqparattandyrý;
• «Qazaqtelekom» AQ Aqparattyq júıeler dıreksıasynyń «Ashyq sıfrlyq platforma» jobasy aıasyndaǵy mindetteri
• jáne basqalary

Munyń barlyǵy hakaton aıasynda tanystyrylatyn resýrstyń arqasynda múmkin bolady jáne sıfrlyq bolashaqty, «Ashyq málimetter» portalyn jasaýda kezekti qadam bolady.

Baıqaýdyń uıymdastyrýshylary – «Astana Innovations» AQ jáne jekemenshik MOST bıznes-ınkýbatory.

Bas áriptes – «Qazaqtelekom» AQ fılıaly – Aqparattyq júıeler dıreksıasy.

Alań Astana Hub tarapynan usynyldy. Jobaǵa Elordany turaqty damytý ortalyǵy, «Astana LRT» JSHS, «Qazgıdromet» RMK qoldaý bildirdi.