Búgin Astanada Májilis depýtattary, aýyl sharýashylyǵy mınıstrligi ókilderi men azamattyq belsendiler jer máselesin talqylady, dep jazady Qamshy.kz aqparat agenttigi.

Jer týraly zań jobasyn talqylaýǵa Qaraǵandy qalasynan kelgen qoǵam belsendisi Jeksen Ábdrahmanovtyń aıtýynsha, osyndaı jıyndardyń arqasynda eldiń ashshy zary, eldiń muń-muqtajy joǵarǵy bıliktiń qulaǵyna jetedi.

– Kedeıdi kúni kijineýmen ótedi deıdi. Jyl boldy, «elim» dep kijinemiz, «jerim» dep kijinemiz, «qazaqsha bilmeıtin mınıstrler» dep kijinemiz. Bizdiń kijinýimiz qashan bitedi? Bıliktegiler qashan eldiń tilegin eleıdi? Qazaq tilin bilmeıtin adam Qazaqstanda eń bıik laýazymda otyrýy degen ne masqara? Árbir salanyń eń bıik tuǵyry – mınıstr bolsa, sol salanyń eń aqyldysy ǵoı, biraq ol eldiń tilin bilmeıdi. Bizdiń jerimiz betpaq dala, aýyl sharýashylyǵyna jaramaıdy. Sonda ol jerdi jalǵa bere berýge bola ma? Qazaqstannyń jer telimderi jalǵa kete bere me sonda? Qalaı?» - dedi Jeksen Ábdirahmanov.