Qazaqstan Respýblıkasy Ulttyq ulany «Ońtústik» óńirlik qolbasshylyǵynyń áskerı-qoldanbaly sport túrlerinen 2018 jylǵa arnalǵan XVI Spartakıada erejesiniń talaptaryna sáıkes Ulttyq ulannyń Almaty qalasynda ornalasqan 3650 áskerı bóliminiń bazasynda qysqy Prezıdenttik kópsaıys boıynsha «Ońtústik» óńirlik qolbasshylyǵynyń birinshiligine jeke - komandalyq jarys ótkizildi, dep habarlaıdy Qamshy.kz aqparat agenttigi. 

Atalǵan kópsaıys jeke quramnyń dene daıarlyǵyn kóterý, olardyń sporttyq sheberlikterin shyńdaý maqsatynda ótkizildi.

10 shaqyrymdaǵy shańǵy jarysy jáne beltemirge tartylý boıynsha ortasynan oq boıy ozyq shyqqan 5571 áskerı bóliminiń materıaldyq-tehnıkalyq qamtamasyz etý rotasy tehnıkalyq qamtamasyz etý vzvodynyń mamany qatardaǵy Trýbkın Vladımır Ivanovıch, pnevmatıkalyq myltyqtan atý boıynsha mergenderdi shań qaptyrǵan 3650 áskerı bóliminiń materıaldyq-tehnıkalyq qamtamasyz etý rotasynyń maman júrgizýshisi qatardaǵy Tarasov Pavel Vıktorovıch jeńimpazdarǵa laıyq medal jáne dıplomdarmen marapattaldy.

Prezıdenttik kópsaıys boıynsha jeke birinshilikte jeńimpaz bolǵan qatardaǵy Tarasov V.I. óz áskerı bóliminiń birinshi orynǵa shyǵýyna jol ashty. Jalpykomandalyq esep boıynsha jeńimpaz bolǵan 5571 áskerı bólimi qolbasshynyń atynan aýyspaly kýbokpen jáne ekinshi, úshinshi oryndardy ózara bólisken 3650, 6506 áskerı bólimderi baǵaly syılyqtarmen marapattaldy.

Ulttyq ulannyń 3650 áskerı bóliminiń shtattan tys tilshisi,

kishi serjant Gúlnaz Dúısembınova

Almaty qalasy