Bul týraly Óńirlik komýnıkasıalar ortalyǵynda ótken baspasóz máslıhatynda belgili boldy.
Óńirlik komýnıkasıalar ortalyǵynda Almaty oblysy İsker áıelder keńesi (İÁK) músheleriniń qatysýymen baspasóz máslıhaty ótti.
Oblystyq Kásipkerler palatasynyń adamı kapıtaldy damytý bóliminiń basshysy Almagúl Ońǵarbaevanyń aıtýynsha, óńirdegi isker áıelderdiń belsendiligi bızneste ǵana emes, qoǵamdyq-saıası ómirde de artyp keledi.
«Almaty oblysynda 1 mln-nan astam áıel turady. Resmı málimetter boıynsha, búgingi tańda tirkelgen 110 myńnan astam kásipkerlik sýbektileriniń 42%-in áıel azamattar basqarady. Bul degenimiz 50 myńnan astam bıznes-joba iske asyrylyp keledi degen sóz. Názik jandylar ónerkásip, aýyl sharýshalyǵy, bank sektorynda da, qyzmet kórsetý salasynda da tabysty qyzmet atqaryp keledi», - deıdi Almagúl Ońǵarbaeva.
Spıker aımaqtaǵy áıelderdiń iskerlik ortadaǵy belsendiligin arttyrý, ekonomıkalyq bastamalaryn qoldaý maqsatynda Kásipkerler palatasynyń janynan İsker áıelder keńesiniń qurylǵanyn atap ótti. Keńestiń barlyq aýdan men qalalarda fılıaldary bar. Búgingi tańda uıym 200-den astam kásipker, memlekettik, qoǵamdyq, qarjylyq uıymdardyń áıel basshylaryn biriktirip otyr. Ótken jyly jumys istep otyrǵan, jumyssyz, ózin-ózi qamtyǵan áıel kásipkerlerge oqytý semınarlary júrgizilgen.
2017 jyly 2,3 myńnan astam áıelge servıstik qyzmet, 5,6 myń áıelge aqparattyq qyzmet kórsetildi. İsker áıelder tarapynan jalpy somasy 2,4 mlrd.teńgeden astam 123 startap joba júzege asyryldy.
«Bıyl Kásipkerlerge qyzmet kórsetý ortalyqtarynda 700 áıelge tegin servıstik qyzmet berilgen, 1,4 myńnan astam áıelge keńester júrgizilgen. Jyl basynan beri 56 áıel «Bıznes Keńesshi» jobasy boıynsha kásipkerlik negizine oqyp shyqty», - dep atap ótti Almagúl Ońǵarbaeva.
Sonymen birge ol aýyldy jerdegi áıelderdiń qarjylyq saýattylyǵyn arttyrý boıynsha jumys úderisi kúsheıtiletinin aıtty.
İsker áıelder keńesiniń Kerbulaq aýdandyq fılıalynyń jetekshisi, «Amreeva» JK basshysy Kúlsara Ámireeva ótken jyldyń qyrkúıeginde «Atameken» UKP bastaý alǵan «Atamekenim» respýblıkalyq aksıasy aıasynda áleýmettik jobalar iske asyryp keletinin aıtty.
İÁK Kerbulaq aýdandyq fılıalynyń jetekshisi, «Amreeva» JK basshysy Kúlsara Ámireeva ótken jyldyń qyrkúıeginde «Atameken» UKP bastaý alǵan «Atamekenim» respýblıkalyq aksıasy aıasynda áleýmettik jobalar iske asyryp keletinin aıtty.
«Oblysymyzdyń alty qalasy men aýylynda «Bári de rahmet úshin!» atty áleýmettik dúkenderi jumys isteýde. Onda muqtaj azamattarǵa kıimder men zattar tegin beriledi. Jobanyń arqasynda adamdar qoǵamnyń basqa bir ókiline meıirimdilik tanytýda. Sonymen birge, Kerbulaq aýdanynda «Shyn júrekten» atty avtokerýen uıymdastyryp, bineshe apta boıy ákimdik, memlekettik organ men qoǵamdyq uıymdarmen birlese 15 aýyldyq okrýgti aralap shyqtyq. Aýylda turyp jatqan 400-den astam az qamtylǵan, m.gedek jáne qart azamattarǵa qaıyrymdylyq kórsetildi», - dedi Kúlsara Ámireeva.
Kásipker aýdandaǵy 3584 bıznes sýbektisiniń 1293-in názik jandylardyń basqaratynyn tilge tıek etti.
Sonymen qatar, bıyl İÁK bastamasymen «Tekeli Asar» jáne «Talǵar Asar» atty qaıyrymdylyq jobalary bastaldy. Joba aıasynda qalalardyń saýda núktelerinde arnaıy sóreler ashylǵan. Onda kez kelgen adam muqtaj azamat úshin azyq-túlik pen sharýashylyq zattaryn satyp alyp, qaldyra alady. Atalmysh joba oblystyń ózge qalalary men aýdandarynda iske qosylady dep josparlanýda.
«Ashýra» jekemenshik balabaqshasynyń dırektory Gúlmıra Hashımovanyń sózinshe, áıelder memlekettik qoldaý quraldaryn jáne Ulttyq kásipkerler palatasynyń usynatyn múmkindikterin belsendi qoldanýy kerek.
«Meniń bızneste júrgenimen kóp ýaqyt boldy. Men sondaı-aq, Taldyqorǵan qalasy men oblystyń qoǵamdyq ómirine qatysyp júrmin. Biz dóńglek ústelderdi jıi ótkizip, onda aǵymdaǵy problemalardy talqylaımyz. Múmkindiginshe olardy sheshýge tyrysamyz, kásibı biliktiligimizdi kóteretin túrli semınarlarǵa qatysamyz. Kásipkerler palatasynyń qoldaýymen jastar korpýsyn damytý jobasy boıynsha kýrsqa qatysyp, mentor-trener atandym. Benefısıarlar úshin trenıńter ótkizdim. Keńes iskerlik baılanysty nyǵaıtýǵa da qoldaý kórsetedi. Mysaly, jaqynda Qazaqstan jáne Túrkıanyń isker áıelder forýmyna baryp qaıttyq. Halyqaralyq forým oqytý, tájirıbe almasý, ınvestısıa tartý men izdeý úshin tıimdi dıalog alańy boldy. Bul issapar barlyq áıelder úshin óte nátıjeli ótti dep sanaımyn», - dedi Gúlmıra Hashımova.
Jalpy, İsker áıelder keńesiniń músheleri aýdan men qalalardaǵy Kásipkerler keńesi, keńesshi-sabaǵattyq organdar quramyna kirip, ákimdiktiń áıel kásipkerlikti damytý, áleýmettik saladaǵy suraqtar boıynsha seriktesine aınaldy.
Baspasóz máslıhatynyń sońynda isker áıelder Almaty oblysynyń barsha qyz-kelinshekter qaýymyn kele jatqan Halyqaralyq áıelder kúnimen quttyqtady.
Aıta ktesek, Almaty oblysynyń isker áıelder delegasıasy 15-16 aqpanda Ankarada ótken Qazaqstan men Túrkıanyń isker áıelder bıznes-forýmyna qatysqan bolatyn. Almaty oblysynyń isker áıelder delegasıasyn Kásipkerler palatasy óńirlik keńesiniń tóraıymy, oblystyq İsker áıelder keńesiniń jetekshisi Rımma Salyqova bastap barǵan.
Atameken» QR Ulttyq kásipkerler palatasy isker áıelder keńesiniń tóraıymy Lázzat Ramazanova forýmda sóılegen sózinde Qazaqstannyń jalpy ishki óniminiń 40%-yn isker áıelder qalyptastyratynyn, olardyń otandyq bıznestiń damýyna qosatyn úlesi únemi ósip otyrǵanyn aıtyp ótken edi.
