Jer betindegi klımat sekildi saıası meteorologıa da únemi ózgerip otyrady. Álemdegi túrli ekonomıkalyq-saıası sanksıalar, áskerı qarýly kúshter, dıplomatıa men BAQ-tyń sóz bostandyǵyna kedergi keltiretin  áreketter qazirgi qoǵamnyń  úırenshikti jaǵdaıyna aınaldy. Osyndaı kezeńderde  jýrnalısıkanyń róli qandaı?

Bul suraq Eýrazıa medıa forýmynda talqylanady. Jıynǵa qatysatyn spıkerler: QR-nyń syrtqy ister mınıstri Kaırat Abdrahmanov,   Italıanyń eks premer-mınıstri Matteo Rensı, BUU-nyń  Jenevadaǵy bóliminiń  meńgerýshisi Davıd Chıkvaıdze, AQSH-tyń (2011-2014) Qytaıdaǵy Elshisi Gerı Lok.

Sesıa moderatory «Pýlıtser» syılyǵynyń ıegeri, «Nú-Iork Taıms» gazetiniń kolýmnısti Nıkolas Krıstof bolady.

BAQ  bolǵan jerde sary basylymdar men burmalanǵan jańalyqtar, arandatýshylar men jalǵan aqparattardyń bolýy zańdylyq. Sondaı-aq, jalǵan aqparatty qoldan jasaıtyn múddeli toptardyń da bar ekenin eskerý qajet. Aqparattyq tehnologıa damyǵan zamanda feık-jańalyqtar jasaý, ony áleýmettik jeliler arqyly taratý tipti ońaı. Osyndaı áreketterdiń qoǵamǵa keri áserin tıgizetini belgili.  Aldyn alý joldary qandaı? Bul týraly EQYU-nyń BAQ bostandyǵy jónindegi ókili Arlem Dezır, «New Day Strategy» kompanıasynyń basshysy, saıası strateg  Rodjer Fısk,  jýrnalıs, saıasatker,  quqyq qorǵaýshy Andreı Býzarov , Zaborona.com  jobasynyń negizin qalaýshy, telejýrnalıst Katerına Sergaskova, «Hashtag our stories» negizin qalaýshy Iýsýf Omar syndy saıasatkerler men jýrnalıser sóz qozǵaıtyn bolady.

Sonymen qatar, Eýropalyq Odaq eýropalyq turaqtylyq pen órkendeýdiń irgetasy bolyp sanalady. Alaıda, sońǵy jyldardaǵy saıası qıyndyqtar men álemdik oqıǵalar Eýroodaqty  aınalyp ótpegeni ras. Osyndaı qıynshylyqtarda Eýroodaqtyń atqarar róli qandaı? Bolashaǵy men múmkindigi qandaı? Bul problemalar medıanaryqta qalaı talqylanyp jatyr? Osy taqyryp tóńireginde oı bóliser spıkerler qatarynda Ulybrıtanıanyń Syrtqy ister mınıstrliginiń baspasóz hatshysy Saımon Makgı, Italıa parlamentiniń múshesi, saıası qaıratker jýrnalıs Debora Bergamını jáne taǵy basqa aıtýly álem saıasatkerleri bar. Shara moderatory: jazýshy, telejúrgizýshi, BBC Europe arnasynyń redaktory Gevın Húıtt.

Osy jáne ózge de ózekti taqyryptar Forýmnyń ekinshi kúninde talqylanatyn bolady.  Forým ústimizdegi jyldyń 22-24 mamyr kúnderi Almaty qalasyndaǵy The Ritz Carlton otelinde  ótedi.

XV Eýrazıalyq Medıa Forýmǵa tirkelý 16-mamyrǵa deıin jalǵasady. Tirkeý úshin http://eamedia.org/ru/ siltemesine ótýge bolady. Oryn sanaýly.

Jalpy, úsh kúndi qamtıtyn sharaǵa 500-den astam otandyq jáne álemdik tanymal spıkerler, saıasattanýshylar men qoǵam qaıratkerleri qatysyp, medıa salasynyń ózekti máseleleri qozǵalady.