Elordada 17 men 19 mamyr aralyǵynda ótetin XI Astana ekonomıkalyq forýmyn ótkizý aıasynda áleýmettik medıada «AEF-2018-ge baramyn» baıqaýy jarıalanǵan bolatyn.  Baıqaý qorytyndysy boıynsha qazaqstandyq áleýmettik medıa paıdalanýshylary jeke akkaýnttarynda Forýmnyń resmı heshtegterimen AEF-ke nelikten barǵysy keletini taqyrybyndaǵy jazbalaryn nemese beınerolıkterin jarıalady.

Negizgi maqsaty Astana ekonomıkalyq forýmyn qazaqstandyq jastar arasynda nasıhattaý, jalpy buqaraǵa kún tártibindegi 11 syn-tegeýirinniń jáne is-sharany Global Challenges Summit ózgertýdiń mánin ashý bolǵan baıqaý 4 jáne 15 mamyr aralyǵynda ótti.

Quramyna AEF Uıymdastyrý komıtetiniń ókili Dınara Joldaspaeva, tanymal telejúrgizýshi Láılá Sultanqyzy men belgili aqyn Qalqaman Sarın kirgen ádilqazylar júzden astam jumystyń ishinen eń úzdik beseýin iriktep aldy. Jeńimpazdar 17 jáne 18 mamyr aralyǵynda AEF-ke tegin barý múmkindigine ıe bolady. Sonymen qatar aqtyq synǵa shyqqandardyń Astana ekonomıkalyq forýmynyń ataqty spıkerleriniń birimen fotoǵa túsýge keremet múmkindigi bar.

«AEF-2018-ge baramyn» baıqaýy jeńimpazdarynyń esimderi jarıalanatyn baspasóz konferensıasy men resmı marapattaý 16 mamyr kúni saǵat 12:00-de Astana qalasy, Saýran kóshesi 45 mekenjaıy boıynsha «Hilton» otelinde ótedi.