Assem Almuhanbet

9-شى سىنىپتا وقىپ جۇرگەندە جۋرناليست بولامىن دەپ شەشتىم. العاشقى ماقالامدى جەرگىلىكتى «تالعار» گازەتىنە 14 جاسىمدا جاريالادىم. 17 جاسىمدا اباي اتىنداعى قازۇپۋ-دىڭ جۋرناليستيكا كافەدراسىنىڭ ستۋدەنتى اتاندىم. تەوريا مەن تاجىريبەنى قاتار الىپ ءجۇرۋ ءۇشىن «دالا مەن قالا» گازەتىندە شتاتتان تىس جۋرناليست بولىپ جۇمىسقا تۇردىم. گازەتتەن تاجىريبە جيناعاننان كەيىن تەلەجۋرناليست بولۋ ارمانىنا قول جەتكىزۋ ءۇشىن «ايتۋعا وڭاي» باعدارلاماسىندا، بالالارعا ارنالعان «ABC+» پەن «بالامەن بەتپە بەت» جوباسىندا، «ەكونوميكا جانە ادامدار»، «ءبىر ءسات» باعدارلامالارىندا رەجيسسەردىڭ اسسيستەنتى، مونتاج جونىندەگى رەداكتور، جۋرناليست، رەداكتور بولىپ قىزمەت اتقاردىم. • «بولاشاق» باعدارلاماسىنىڭ ستيپەندياتى. • TEDxKazakh توبىنىڭ مۇشەسى. TEDx ۆيدەولارىن اعىلشىن تىلىنەن قازاق تىلىنە اۋدارىپ جۇرگەن اۋدارماشى. • Profi Asia ءتىل كۋرسىنىڭ سەرتيفيكاتىن العان. • MediaNET حالىقارالىق جۋرناليستەر مەكتەبىنىڭ تۇلەگى. • اقش پەن بريتانيا ەلشىلىگىنىڭ بىرىگىپ ۇيىمداستىرعان جۋرناليستەرگە ارنالعان كاسىبي اعىلشىن ءتىلى كۋرسىنىڭ سەرتيفيكاتىن العان.