TAS Group تۋرالى ەستىگەنىڭىز بار ما؟  ونىڭ قۇرامىندا 10 كومپانيا بار. ونىڭ ءبىرى ءارى بىرەگەيى - تAS كرەديت. ول 8 جىل بۇرىن ءوز ىرگەتاسىن قازاقستاندىق نارىقتا مىقتاپ قالادى. ءقازىر كومپانيانىڭ قازاقستاننىڭ ءىرى قالالارىنىڭ بارلىعىندا دەرلىك فيليالدارى بوي كوتەرىپ، قىزۋ جۇمىس ىستەپ جاتىر. جاقىندا كومپانيانىڭ 20 - فيليالى اشىلىپ، كومپانيا ونى دۇركىرەتىپ اتاپ ءوتتى. وعان قازاقستاننىڭ ماقتانىشى، كاسىپقوي بوكسشى قانات يسلام، دەپۋتات، كاسىپكەر، بلوگەر قايرات قۇدايبەرگەن ارنايى قۇتتىقتاپ كەلدى.

ايتا كەتەيىك، 25 جەكپە-جەك وتكىزىپ، ونىڭ 25-ىندە دە جەڭىسكە جەتكەن قانات يسلام اتالمىش كومپانيانىڭ بەت-بەينەسى.

اشىلۋ سالتاناتىنا ب ا ق وكىلدەرى قاتىستى، تۇركيا، رەسەيدەن قوناقتار كەلدى. كومپانيانىڭ 20 - فيليالىنىڭ لەنتاسىن قانات يسلام مەن قايرات قۇدايبەرگەن كەستى.

كومپانيا قىزمەتكەرلەرى كەلگەن قوناقتارعا كەڭسەنىڭ ىشىندە كىشىگىرىم تۋر جاساپ، ءار ءبولىم نەمەن اينالىساتىنىن جانە جەتىستىكتەرىمەن ءبولىستى.

تۋر كومپانيا باسشىسى دۋلات تاستەكەيەۆتىڭ بولمەسىنەن باستاۋ الدى. قابىرعادا ەلباسىنىڭ پورترەتى، ۇستەل ۇستىندە «مەنەدجمەنت» دەگەن اتاۋى كوزگە بىردەن تۇسەتىن قالىڭ كىتاپ جاتىر. ول رۋحاني جاڭعىرۋ باعدارلاماسى اياسىندا قازاق تىلىنە اۋدارىلعان كىتاپ ەكەن. بارىنەن بۇرىن توردە تۇرعان قازاقتىڭ قارا دومبىراسى كوڭىلگە جىلۋ سىيلادى.

قوناقتار دا ۇلتتىق اسپاپتى بىردەن بايقاپ، دۋلات مىرزاعا «كۇي ورىنداپ بەر» دەپ قولقا سالدى. «ناعىز قازاق قازاق ەمەس، ناعىز قازاق - دومبىرا» دەگەندى مىقتاپ ساناعا سىڭىرگەن دۋلات تاستەكەيەۆتىڭ دومبىرا تارتۋدى ۇيرەنىپ جۇرگەنىنە 1 ايدىڭ ءجۇزى بولىپتى. قوناقتاردىڭ ءوتىنىشىن جەرگە تاستاماي، قۇيقىلجىتىپ دومبىرادا ويناپ بەردى.  «دومبىرا تارتۋدى ۇيرەنگەنىنە 30 كۇن عانا بولعان ادام ءۇشىن بۇل وتە جاقسى ناتيجە»، دەپ ءماز بولىستى قوناقتار.

كەڭسەدە ارنايى تاقتا ورناتىلعان ەكەن. وعان فيليالدىڭ اشىلۋ سالتاناتىنا كەلگەن قوناقتار ءوز تىلەكتەرىن بىرنەشە تىلدە جازىپ، قالدىردى. ءبىرى «كومپانيا زور تابىسقا جەتسىن» دەپ جازسا، ەندى ءبىرى كومپانيا قىزمەتكەرلەرىنە دەنساۋلىق تىلەدى.

TAS كرەديت مەشىت قۇرىلىسى، مەكتەپتە تاريح سىنىبىن جابدىقتاۋ سەكىلدى جۇمىستارمەن دە اينالىساتىن ايتىپ وتكەن ءجون.

كومپانيانىڭ 20-فيليالىنىڭ اشىلۋىنا وراي قۇتتىقتاپ كەلگەن قوناقتارعا قازاقى داستۇرمەن داستارحان جايىلدى. ويىن ويناتىلدى. كەزدەيسوق تاڭداۋ ارقىلى 5، 6 قوناق باعالى سىيلىقتاردى جەڭىپ الدى.

جالپى قوناقتارعا كومپانيانىڭ قۋانىشىن ءبولىسىپ، التىن ۋاقىتىن سارپ ەتكەنى ءۇشىن كىشىگىرىم سىيلىقتار تاراتىلدى.

ءىس-شارا كەڭسەنىڭ ەڭ جوعارى قاباتىنا شىعىپ، اسەم قالا الماتىنى تاماشالاپ، ەستەلىككە فوتوعا تۇسۋمەن اياقتالدى.

ايتا كەتەيىك، تAS كرەديت 8 جىل بۇرىن قۇرىلعان. 2010 جىلى الماتىدا كىشكەنتاي عانا كەڭسە اشىلدى. ءقازىر قازاقستان بويىنشا 20 فيليالىن اشىپ ۇلگەرگەن كومپانيا باسشىسى، ول ۋاقىتتا بارلىق قىزمەتتى جالعىز ءوزى اتقاردى. تەلەفونعا دا جاۋاپ بەردى، كليەنتتەرمەن دە جۇمىس ىستەدى. ءتىپتى تازالىق جۇمىستارىن دا ءوزى جۇرگىزدى. التى جىل وتكەننەن كەيىن تAS كرەديت كومپانياسى اياسىن كەڭەيتىپ، قازاقستاننىڭ ءبىرقاتار قالاسىندا فيليالىن اشادى. كەشە عانا ءتاي-تايلاپ قادام باسقان مەكەمە اياعىن نىق باسىپ، تۇتىنۋشى سۇرانىسىنا تولىق جاۋاپ بەرەتىن ۇلكەن كومپانياعا اينالدى.

كومپانيا ەڭ العاشقى قادامىن التىندى كەپىلگە الىپ كرەديت بەرۋمەن باستاعان. وسى سالاعا ماماندانىپ، ونىڭ قىر-سىرىن جەتىك مەڭگەرىپ، تۇتىنۋشى سۇرانىسىن قاناعاتتاندىرىپ، ساپالى قىزمەت كورسەتۋدى ارتتىرىپ، ونىڭ اياسىن كەڭەيتۋدى ماقسات ەتكەننەن كەيىن تەحنيكانى، ودان كەيىن كولىكتى كەپىلگە الىپ كرەديت بەرەتىن بولدى. ءقازىر TAS كرەديت كومپانياسى كەپىلگە تەك كولىكتى الادى.

كومپانيا نارىق سۇرانىسىنا جاۋاپ بەرىپ، باسەكەگە قابىلەتتى بولىپ وتىرعانىن وزدەرى بىرنەشە فاكتورعا بايلانىستى ەكەنىن ايتادى.

— كومپانيانىڭ ءوز ميسسياسى بار. ونى ءار فيليالدان بايقاي الاسىز. قىزمەتكەرلەر ميسسيانى جادىنان شىعارمايدى جانە ونىڭ ماعىناسىن تۇسىنەدى. سونىمەن بىرگە، كومپانيانىڭ ءوز قۇندىلىقتارى بار. مەنەدجەرلەر ونى دا ءبىلۋى قاجەت. تAS كرەديتتىڭ ءوز ۇتىمدى تۇستارى بار ەكەنىن دە اتاپ ءوتۋ كەرەك. ونى كوشىرۋ مۇمكىن ەمەس، - دەيدى تAS كرەديت كومپانياسىنىڭ ماركەتولوگى ەڭلىك اقداۋلەت.  

سەگىز جىلدىق قاجىرلى ەڭبەكتىڭ ارقاسىندا كومپانيا ءقازىر كولىكتى كەپىلگە الىپ، كرەديت بەرۋ نارىعىندا كوش باستاپ تۇر. ونىڭ ۇلەسى - 45%.