مەملەكەت باسشىسى قاسىم-جومارت توقايەۆ V ۇلتتىق قۇرىلتايدا ۇكىمەت قۇرامىندا كادرلىق ءاۋىس-تۇيىس بولۋى مۇمكىن ءمالىم ەتتى.

- بۇل جاعدايدا مەنىڭ تانىمال ەكونوميستەرگە دەگەن ۇلكەن ەسكەرتپەم بار. ەنەرگەتيكتەرگە دە ۇقساس ەسكەرتپە بار. كادرلىق شەشىمدەر قابىلداۋعا تۋرا كەلەتىن سياقتى. ءبىزدىڭ باستى ستراتەگيالىق ماقساتىمىز – ساپالى ەكونوميكالىق ءوسىم قارقىنىن باسەڭدەتپەۋ. وسى ماقساتپەن ينفلياسيانى تومەندەتۋ باعىتىندا جۇمىس باستالدى. جاڭا ينۆەستيسيالىق سيكل جاريالاندى، باسقا دا شەشىمدەر قابىلدانىپ جاتىر. ەكونوميكا مەن بيزنەس جاڭا سالىق ەرەجەلەرىنىڭ رەجيمىنە كوشىپ جاتىر. ۇكىمەت پەن جەرگىلىكتى اتقارۋشى ورگاندار بىركەلكى، جانجالسىز «فيسكالدىق ءترانزيتتى» قامتاماسىز ەتۋگە مىندەتتى، - دەدى مەملەكەت باسشىسى.

پرەزيدەنت جاڭا سالىق كودەكسىن قولدانۋ كەزىندە جۇرتتىڭ سىن-ۇسىنىستارى مۇقيات زەردەلەنىپ، قاجەت بولعان جاعدايدا تۇزەتۋلەر ەنگىزىلەتىنىن اتاپ ءوتتى.

- ءتيىمدى كەرى بايلانىس ارنالارى قوعامنىڭ ترانسفورماسياسىندا ەرەكشە ماڭىزعا يە. ازاماتتاردىڭ وتىنىشتەرىمەن جۇيەلى جۇمىس ىستەۋ ارقىلى قوعام تىنىسىن باقىلاپ، حالىقتىڭ ناقتى قاجەتتىلىكتەرىن بىلۋگە، تالاپ-تىلەكتەرىنە ۋاقتىلى جاۋاپ بەرۋگە بولادى، - دەدى قاسىم-جومارت توقايەۆ.