قازاقستاندا قىركۇيەكتىڭ ەكىنشى جارتىسىندا جاڭا جوعارى كونسۋلتاتيۆتىك ورگان – حالىق كەڭەسى جاساقتالادى. بۇل تۋرالى مەملەكەت باسشىسى قاسىم-جومارت توقايەۆ قازاقستان رەسپۋبليكاسى قۇرىلتايىنىڭ ءبىرىنشى سەسسياسىندا ايتتى، دەپ حابارلايدى «Qamshy.kz».
پرەزيدەنتتىڭ سوزىنشە، جاڭا قۇرىلىم ەلدىڭ ەتنيكالىق، ايماقتىق، الەۋمەتتىك جانە قوعامدىق-ساياسي ەرەكشەلىكتەرىن ءبىر ارناعا توعىستىرادى.
«قىركۇيەكتىڭ ەكىنشى جارتىسىندا حالىق كەڭەسى جاساقتالادى. بۇل – قازاقستان تاريحىنداعى تۇڭعىش جوعارى كونسۋلتاتيۆتىك ورگان. ەلىمىزدىڭ ەتنيكالىق، ايماقتىق، الەۋمەتتىك، قوعامدىق-ساياسي ەرەكشەلىكتەرىن ءبىر ارناعا توعىستىراتىن جاڭا قۇرىلىم زاڭنامالىق باستاما كوتەرۋ قۇقىعىنا يە بولادى. شىن مانىندە، بۇل – بىرەگەي ورگان. وسىلايشا، قىسقا ۋاقىتتىڭ ىشىندە بيلىكتىڭ بارلىق نەگىزگى ينستيتۋتتارى جاڭعىرىپ، الداعى رەفورمالارعا تىڭ سەرپىن بەرەدى»، - دەدى پرەزيدەنت.
