ءبىرىنشى شاقىرىلىمداعى قۇرىلتايدىڭ ءبىرىنشى سەسسياسىن اشقان قاسىم-جومارت توقايەۆ ۆيسە-پرەزيدەنتتىڭ جانە پرەمەر-مينيستردىڭ كانديداتۋرالارى بويىنشا ۇسىنىستى قاشان ەنگىزەتىنىن ايتتى.
اتا زاڭعا سايكەس ۇكىمەت جاڭادان سايلانعان قۇرىلتاي الدىندا ءوز وكىلەتتىگىن توقتاتادى. سوندىقتان قۇرىلتايدىڭ قۇرىلىمى جاساقتالعان سوڭ مەن وزدەرىڭىزگە ۆيسە-پرەزيدەنتتىڭ جانە پرەمەر-مينيستردىڭ كانديداتۋرالارى بويىنشا ۇسىنىس ەنگىزەمىن. سودان كەيىن سىزدەرمەن اقىلداسىپ، ۇكىمەت مۇشەلەرىن تاعايىندايمىن. سونىمەن قاتار جاڭا لاۋازىمدى — قاۋىپسىزدىك كەڭەسى ءتوراعاسىنىڭ ورىنباسارىن تاعايىندايمىن، — دەدى ول.
سونىمەن قاتار، پرەزيدەنت قۇرىلتاي مەن ۇكىمەت قۇرامى تولىق ايقىندالعان سوڭ جىل سايىنعى قازاقستان حالقىنا جولداۋىن جاريالايتىنىن ايتتى.
— جولداۋدا كوتەرىلگەن بارلىق باستامانى اتقارۋشى جانە زاڭ شىعارۋشى بيلىك وكىلدەرى بىرلەسىپ، ۋاقتىلى ءارى ساپالى جۇزەگە اسىرۋعا ءتيىس. لاۋازىمدى تۇلعالاردىڭ ءبارى، اسىرەسە، قىزمەتىنە ەندى كىرىسەتىن ازاماتتار الدىمىزدا تۇرعان ورتاق ماقسات-مىندەتتەردى ءبىلۋى كەرەك، — دەدى مەملەكەت باسشىسى.
