الماتى قالاسىندا 2026 جىلدىڭ 3 جەلتوقسانىندا دەيىن مەكتەپكە دەيىنگى جاستاعى بالالارعا ارنالعان قازاق تىلىندەگى ۇزدىك بەينەروليكتەر مەن انيماسيالىق كونتەنتتى انىقتاۋعا باعىتتالعان «سابيلەردى سويلەتەيىك» قالالىق بايقاۋى وتەدى.
بايقاۋ الماتى قالاسى ىشكى ساياسات باسقارماسى تىلدەردى دامىتۋ جانە ونوماستيكا ءبولىمىنىڭ تاپسىرىسىمەن «حالىقارالىق «قازاق ءتىلى» قوعامى» قوعامدىق بىرلەستىگىنىڭ الماتى قالالىق فيليالىنىڭ ۇيىمداستىرۋىمەن وتكىزىلەدى.
بايقاۋدىڭ ماقساتى – الەۋمەتتىك جەلىلەردە قازاق تىلىندەگى ساپالى بالالار كونتەنتىن، اسىرەسە انيماسيالىق جانە تانىمدىق بەينەروليكتەردى كوبەيتۋ ارقىلى مەكتەپكە دەيىنگى جاستاعى بالالاردىڭ انا تىلىندە ەركىن ءارى دۇرىس سويلەۋ داعدىلارىن دامىتۋعا ىقپال ەتۋ.
بايقاۋعا ەلىمىزدىڭ بارلىق وڭىرىنەن جاس ەرەكشەلىگىنە قاراماستان اتا-انالار، اتا-اجەلەر، تاربيەشىلەر، شىعارماشىلىقپەن اينالىساتىن ازاماتتار جانە وزگە دە نيەت بىلدىرۋشىلەر قاتىسا الادى.
قاتىسۋشىلار بالالارعا ارنالعان قازاق تىلىندەگى تانىمدىق، تاربيەلىك مازمۇنداعى بەينەروليكتەر مەن انيماسيالىق جۇمىستارىن الەۋمەتتىك جەلىلەردە جاريالاپ، ۇيىمداستىرۋشىلاردىڭ رەسمي پاراقشالارىن بەلگىلەۋى قاجەت.
بايقاۋ جۇمىستارىن بەلگىلى پەداگوگتەر، ادىستەمەشى-عالىمدار، قوعامدىق ۇيىمداردىڭ وكىلدەرى جانە كاسىبي رەجيسسەر-وقىتۋشىلاردان قۇرالعان قازىلار القاسى باعالايدى.
بايقاۋ قورىتىندىسى بويىنشا باس جۇلدە، ءى، ءىى جانە ءىىى ورىن يەگەرلەرى ديپلومدارمەن جانە باعالى سىيلىقتارمەن ماراپاتتالادى. بارلىق قاتىسۋشىلارعا العىس حاتتار مەن ەستەلىك سىيلىقتار تابىستالادى.
اتالعان جوبا قازاق تىلىندەگى بالالار كونتەنتىنىڭ ساپاسى مەن قولجەتىمدىلىگىن ارتتىرۋعا، بۇلدىرشىندەردىڭ سوزدىك قورىن بايىتۋعا، ۇلتتىق قۇندىلىقتاردى دارىپتەۋگە جانە الەۋمەتتىك جەلىلەردە مەملەكەتتىك ءتىلدىڭ قولدانىلۋ اياسىن كەڭەيتۋگە باعىتتالعان.
بەينەروليكتەردى قابىلداۋ مەرزىمى: 2026 جىلدىڭ 3 جەلتوقسانىنا دەيىن ().
ۇيىمداستىرۋشىلاردىڭ رەسمي پاراقشالارى:
الماتى قالاسى ىشكى ساياسات باسقارماسى Instagram: @almaty_til
«حالىقارالىق «قازاق ءتىلى» قوعامى» قوعامدىق بىرلەستىگىنىڭ الماتى قالالىق فيليالى:
Instagram: @almaty_qazaq_tili_qogamy
TikTok: @almaty_qazaq_tili_qogamy
YouTube: @almaty_qazaq_tili_qogamy