فرانسيانىڭ سىرتقى ىستەر ءمينيسترى جان-نوەل باررونىڭ ايتۋىنشا، فرانسۋز سۋپەرماركەتتەرىندەگى توڭازىتقىشتار مەن مۇزداتقىشتارعا قازان ايىنداعى كيبەرشابۋىلداردىڭ ارتىندا يران يسلام ريەۆوليۋسياسىنىڭ ساقشىلار كورپۋسى تۇر.

"بۇل ءبىزدىڭ تەرريتوريامىزدا ديۆەرسيا جاساۋ ءۇشىن وسىنداي العاشقى اۋقىمدى كيبەرشابۋىل بولدى جانە بۇل ءبىزدىڭ ۇلتتىق مۇددەلەرىمىز بەن فرانسيا حالقىنىڭ قاۋىپسىزدىگىنە جاسالعان ۇلكەن قاستاندىقتى بىلدىرەدى"، — دەدى مينيستر پاريجدەگى باسپا ءسوز ءماسليحاتىندا.

ول بۇل كيبەرشابۋىلدىڭ بارلىق كىنالىلەرىنە قارسى جالپى ەۋروپالىق سانكسيالار قولدانىلاتىنىن ايتتى.  فرانسۋز ءمينيسترىنىڭ ايتۋىنشا، سىم-دە يراننىڭ پاريجدەگى ەلشىسى "وسى وتە اۋىر ارەكەتكە قاتتى نارازىلىق ءبىلدىرۋ ءۇشىن" شاقىرىلعان.

باررو فرانسيا "وسىعان ۇقساس ارەكەتتەردى قايتالاۋعا تىرىساتىنداردى ەسكەرتۋ" ءۇشىن بولعان جاعدايعا جاۋاپ رەتىندە "كەز-كەلگەن باسقا قاجەتتى جانە پروپورسيونالدى شارالاردى" قولداناتىنىن ايتتى.

يران باررونىڭ مالىمدەمەسىنە ءالى تۇسىنىكتەمە بەرگەن جوق.

11-12 قازاندا بولعان جانە بۇكىل فرانسيا بويىنشا جۇزدەگەن سۋپەرماركەتتەرگە اسەر ەتكەن كيبەرشابۋىل كەزىندە حاكەرلەر توڭازىتقىش جابدىقتارىنىڭ تەمپەراتۋراسىن رەتتەيتىن باعدارلامالىق جاساقتامانى باقىلاۋعا الدى جانە ولاردىڭ تەمپەراتۋراسىن كوتەردى. زارداپ شەككەن سۋپەرماركەت جەلىلەردەگى توڭازىتقىتىڭ تەمپەراتۋراسى 50 گرادۋسقا دەيىن جەتكەن. بۇل ونىمدەردىڭ ناشارلاۋىنا اكەلىپ، شىعىن ميلليونداعان ەۋرونى قۇرادى.

كيبەرشابۋىل coopérative u جەلىسىنىڭ 100-دەن استام سۋپەرماركەتتەرىنە، سونداي-اق Intermarché جەلىسىنىڭ 180 دۇكەنىنە جانە ونىڭ قۇرامىنا كىرەتىن Netto برەندىنە اسەر ەتتى.