اقش اسكەرى يران اۋماعىنداعى ستراتەگيالىق ماڭىزدى پورت قالاسى — باندار ابباس ماڭىنداعى اسكەري نىسانعا اۋە سوققىسىن جاسادى.

اقش ورتالىق قولباسشىلىعىنىڭ مالىمەتىنشە، شابۋىل “ءوزىن-وزى قورعاۋ ماقساتىندا” جۇزەگە اسقان. ولار نىساننان بەسىنشى درون ۇشىرىلماق بولعانىن مالىمدەدى.

يران جاۋاپ بەردى

شابۋىلدان كەيىن يران يسلام ريەۆوليۋسياسى ساقشىلار كورپۋسى اقش-تىڭ تاياۋ شىعىستاعى اۋە بازالارىنىڭ بىرىنە سوققى جاسالعانىن حابارلادى. ءبىراق قاي بازا ەكەنى ناقتى ايتىلمادى.

كۋۆەيت اۋە قورعانىسىن ىسكە قوستى

كۋۆەيت بيلىگى:
اۋە قورعانىس جۇيەلەرى
“جاۋ دروندارى مەن راكەتالارىن”
تويتارىپ جاتقانىن مالىمدەدى.

كۋۆەيت اۋماعىندا اقش اسكەري بازالارى ورنالاسقان.

ءالسىز ءبىتىم قايتا بۇزىلۋ الدىندا

بۇل وقيعا: اقش پەن يران اراسىنداعى ۋاقىتشا اتىستى توقتاتۋ كەلىسىمى جاعدايىندا بولدى.

بۇل سوققى سوڭعى ءۇش كۇندە اقش-تىڭ يرانعا جاساعان ەكىنشى سوققىسى ەكەنى ايتىلدى.

ورمۋز بۇعازى الەمدىك ەكونوميكاعا اسەر ەتۋدە

قاقتىعىس شرماۋز بۇعازى ماڭىندا بولىپ جاتىر.
بۇل بۇعاز ارقىلى الەمدىك مۇناي مەن سۇيىتىلعان گازدىڭ شامامەن بەستەن ءبىرى وتەدى. سوندىقتان مۇناي باعاسى ءوسىپ جاتىر، الەمدىك تاسىمال جۇيەسىنە قىسىم كۇشەيدى.

اقش يرانعا جاڭا سانكسيالار ەنگىزدى

اقش ورمۋز بۇعازى ارقىلى وتەتىن كەمەلەردەن تولەم جينايتىن يراندىق قۇرىلىمعا سانكسيا سالدى. ۆاشينگتون “يران الەمدىك ساۋدانى قىسىم قۇرالى رەتىندە قولدانۋدا” دەپ مالىمدەدى.

يران: اقش درونىن اتىپ تۇسىردىك

يران مالىمەتى بويىنشا، اقش درونى جانە اسكەري ۇشاق يران اۋە كەڭىستىگىنە كىرگەننەن كەيىن نىساناعا الىنعان.

ترامپتىڭ مالىمدەمەسى

اقش پرەزيدەنتى دونالد ترامپ يرانمەن كەلىسسوزدەر جالعاسىپ جاتقانىن ايتتى. ءبىراق “ءبىز ءالى كەلىسىم شارتتارىنا قاناعاتتانعان جوقپىز” دەپ مالىمدەدى. سونداي-اق “قاجەت بولسا، قايتا بارىپ ءبارىن اياقتايمىز” دەگەن قاتاڭ ءسوز ايتتى.

يزرايل فاكتورى

قاقتىعىسقا يزرايل دە قاتىسۋدا. يزرايل 2026 جىلعى 28 اقپاندا يرانعا قارسى وپەراسيالاردى باستاعان بولاتىن. ءقازىر يزرايل يرانمەن جانە يران قولدايتىن حەيزبوللا توبىمەن قاقتىعىسىپ جاتىر.