Astana AI Film Festival (AAIFF 2026) جاساندىينتەللەكت تەحنولوگيالارىنىڭ كومەگىمەنتۇسىرىلگەن فيلمدەر اراسىنداعى ەڭ ءىرىحالىقارالىق بايقاۋعا اينالدى. وتىنىمدەردىقابىلداۋ قورىتىندىسى بويىنشافەستيۆالگە الەمنىڭ 125 ەلىنەن 8 067 جۇمىسكەلىپ ءتۇستى. ۇسىنىلعان كونتەنتتىڭ جالپىحرونومەتراجى 100 مىڭ مينۋتتان اسادى، الفەستيۆالدىڭ جالپى قورى $2 ملن-دى قۇرايدى. ونىڭ $1 ملن-ى جۇلدە قورىنا، تاعى $1 ملن-ىالەۋەتى جوعارى AI-كوماندالارعا ينۆەستيسيارەتىندە قاراستىرىلعان. بۇل جايلىفەستيۆالدىڭ تەڭ قۇرىلتايشىلارى المازجالي مەن ايزات كۋساينوۆ استانادا وتكەنبريفينگتە مالىمدەدى.
ءوتىنىم قابىلداۋ قىركۇيەك ايىنىڭ باسىندااياقتالدى. بارلىق ءوتىنىمنىڭ شامامەن 40%-ىن (3 138 فيلم) اۆتورلار AAIFF نەگىزگى تاقىرىبى – The Future Worth Living In («ءومىر سۇرۋگەتۇرارلىق بولاشاق») بويىنشا ازىرلەگەن. تاعى 4 929 جۇمىس اشىق كونكۋرستىق باعدارلاماعاۇسىنىلدى.
Astana AI Film Festival جاساندى ينتەللەكت پەنگەنەراتيۆتى تەحنولوگيالار دامۋىنىڭ نەگىزگىالەمدىك ورتالىقتارى – اقش، جۇڭگو، وڭتۇستىككورەيا جانە جاپونيا كرەاتورلارىنىڭ باسىنقوستى. وتىنىمدەر سانى بويىنشا اقش – 1 395، قازاقستان – 829، ءۇندىستان 702، جۇڭگو – 550 جانەوڭتۇستىك كورەيا – 349 ۇسىنىلعان جوبامەن كوشباستاپ تۇر. وتىنىمدەر سانى بويىنشا العاشقىوندىققا سونداي-اق ۇلىبريتانيا، يندونەزيا، جاپونيا، برازيليا جانە فرانسيا ەندى.
بايقاۋدىڭ اۋقىمى ۇسىنىلعان كونتەنت كولەمىنەن دە كورىنەدى. بارلىق فيلمدەردىڭ جالپى حرونومەتراجى 100 مىڭ مينۋتتان اسىپ، ەڭ ۇزاق جوبا 4 ساعات 3 مينۋتقا سوزىلادى.
فيلمدەر بايقاۋعا ارنايى ازىرلەنگەن. قاتىسۋشىلار گەنەراتيۆتى تەحنولوگيالارمەن عانا ەمەس، جانر، دراماتۋرگيا، ۆيزۋالدى ءتىل جانە كۇردەلى كينەماتوگرافيالىق الەمدەر قۇرۋدىڭ جاڭا تاسىلدەرىن سىناپ كورگەن. ماسەلەن، ۇسىنىلعان جۇمىستاردىڭ بىرىندە اۆتور ءبىر ءفيلمنىڭ اياسىندا بەس دەربەس الەمدى توعىستىرعان.
«وسىدان بىرنەشە اي بۇرىن عانا حالىقارالىق بايقاۋدى ىسكە قوسقان ەدىك، ال بۇگىندە 125 ەلدەن 8 مىڭنان استام جۇمىس قابىلداپ وتىرمىز. بۇل جەكەلەگەن AI-ەكسپەريمەنتتەر ەمەس، كۇردەلى وقيعالارى، كەيىپكەرلەرى مەن تۇتاس كينەماتوگرافيالىق الەمدەرى بار تولىققاندى فيلمدەر. مۇنداي اۋقىم AI-كينونىڭ قانشالىقتى جىلدام دامىپ كەلە جاتقانىن كورسەتەدى. بۇگىندە ءدال استانادا وسى جاڭا باعىت اۆتورلارىنىڭ الەمدەگى ەڭ ءىرى حالىقارالىق قاۋىمداستىقتارىنىڭ ءبىرىن قالىپتاستىرىپ وتىرمىز»، – دەدى فەستيۆالدىڭ تەڭ قۇرىلتايشىلارىنىڭ ءبىرى ءارى AAIFF كەڭەسىنىڭ ءتوراعاسى الماز جالي.
بايقاۋعا جاس رەجيسسەرلەر، تاۋەلسىز كوماندالاردان بولەك، مىڭداعان اۋديتورياسى بار، حالىقارالىق تانىلعان الەمدىك AI-كرەاتيۆتى يندۋستريالارىنىڭ وكىلدەرى دە قاتىسىپ وتىر. مىسالى، 370 مىڭنان استام جازىلۋشىسى بار AI-پروداكشن – The DOR Brothers، كينەماتوگرافيا مەن گەنەراتيۆتى تەحنولوگيالار توعىسىندا جۇمىس ىستەيتىن رەجيسسەر Zack London-نىڭ Gossip Goblin جوباسى، سونداي-اق تۋىندىلارى حالىقارالىق كينوفەستيۆالدەردە ماراپاتتالعان Robert Gaudette ءوز جوبالارىن ۇسىندى.
AAIFF بايقاۋ باعدارلاماسىنىڭ باستى ەرەكشەلىكتەرىنىڭ ءبىرى – ونىڭ جانرلىق الۋاندىعى. نەگىزگى تاقىرىپ – The Future WorthLiving In اياسىنان بولەك، فەستيۆال تاقىرىپتىق شەكتەۋسىز جەكە باعىت تا اشتى. بۇل اۆتورلارعا ءتۇرلى جانرداعى، ۆيزۋالدى ستيلدەگى جانە فورماتتاعى جوبالارىن جولداۋعا مۇمكىندىك بەردى. بايقاۋ باعدارلاماسى بارلىعى 19 ءتۇرلى جانردى قامتيدى.
بايقاۋعا 4 756 بىرەگەي كرەاتوردان ءوتىنىم كەلىپ ءتۇستى. ولاردىڭ ءبىرقاتارى 22 اپتاعا سوزىلعان ءوتىنىم قابىلداۋ كەزەڭىندە ەكى-ءۇش جوبادان ۇسىندى.
ۇيىمداستىرۋشىلاردىڭ الدىن الا ەسەبى بويىنشا، بايقاۋعا قابىلدانعان بارلىق ءفيلمدى ەسكەرگەندە، كرەاتورلار 80-نەن استام گەنەراتيۆتى مودەلگە جالپى $4 ملن-نان استام قارجى جۇمساعان. ەڭ تانىمال قۇرالداردىڭ قاتارىندا Suno AI، Seedance 2.5، Kling، Wan 2.6، GPT Image 2 جانە ElevenLabs بار.
Astana AI Film Festival-ءدىڭ جۇلدە قورى – $1 ملن. ونىڭ $750 مىڭى نەگىزگى تاقىرىپتىقباعدارلاماعا قاراستىرىلعان. تاعى $250 مىڭ اشىق سەكسياداعى بەس نوميناسيا بويىنشا بولىنەدى: «ۇزدىك كەيىپكەر»، «ۇزدىك رەجيسسۋرا»، «ۇزدىك ۆيزۋالدى ءتىل»، «ۇزدىك وقيعا» جانە «ۇزدىك كونسەپسيا». بايقاۋعا كەلىپ تۇسكەن بارلىق فيلم مىندەتتى تۇردە پلاگياتقا تەكسەرىلەدى.
سونىمەن بىرگە قاتىسۋشىلارعا قارجىلاي قولداۋ تەك جۇلدە تولەمدەرىمەن شەكتەلمەيدى. تاعى $1 ملن ەڭ الەۋەتتى AI-كوماندالارعا ارنالعان جەكە ينۆەستيسيالىق كاپيتال رەتىندە قالىپتاستىرىلماق. بۇل قارجىنى كاسىپكەر ءارى ينۆەستور، Coinbase كومپانياسىنىڭ بۇرىنعى تەحنيكالىق ديرەكتورى، Andreessen Horowitz (a16z) ۆەنچۋرلىك قورىنىڭ بۇرىنعى باس سەرىكتەسى جانە The Network School نەگىزىن قالاۋشى بالادجي سرينيۆاسان ۇسىندى. وسىلايشا، Astana AI Film Festival-ءدىڭ جالپى قورى $2 ملن قۇرايدى.
«ءبىز مىقتى جوبالاردىڭ فەستيۆال اياقتالعاننان كەيىن دە جالعاسىن تاپقانىن قالايمىز. سوندىقتان جۇلدە قورىنان بولەك، جەكە ينۆەستيسيالىق كاپيتال قاراستىرىلدى. بۇل اۆتورلارعا ءوندىرىستى جالعاستىرۋعا، جوبالارىنىڭ اۋقىمىن كەڭەيتۋگە جانە ولاردى قازاقستاندا جۇزەگە اسىرا وتىرىپ، ودان ءارى دامىتۋعا مۇمكىندىك بەرەدى. وسى ماقساتتا ىرىكتەلگەن كوماندالار Astana Hub قاتىسۋشىسى اتانا الادى»، – دەدى AAIFF تەڭ قۇرىلتايشىسى ءارى كرەاتيۆتى ديرەكتورى ايزات كۋساينوۆ.
فيلمدەردى الەمدىك كينويندۋستريا، AI-سەكتور، تەحنولوگيا جانە ينۆەستيسيا سالالارىنىڭ وكىلدەرىنەن قۇرالعان قازىلار القاسى باعالايدى. ولاردىڭ قاتارىندا يۋنەسكو-نىڭ بۇرىنعى باس ديرەكتورى ءارى فرانسيانىڭ بۇرىنعى مادەنيەت ءمينيسترى ودري ازۋلە، China Film Group جانىنداعى جاساندى ينتەللەكت زەرتتەۋ ينستيتۋتىنىڭ دەكانى ما پين، بەيجىڭ كينواكادەمياسى انيماسيا فاكۋلتەتى دەكانىنىڭ ورىنباسارى ۆان حاو، كاسىپكەر ءارى ينۆەستور بالادجي سرينيۆاسان، سونداي-اق BytePlus وكىلى بار.
فەستيۆالدىڭ باس سەرىكتەسى – Freedom Holding Corp.، ال AAIFF 2026 تەحنولوگيالىق سەرىكتەسى – ByteDance كورپوراسياسىنىڭ تەحنولوگيالىق BytePlus پلاتفورماسى. سەرىكتەستىك اياسىندا 25 فيناليست كونتەنت گەنەراسيالاۋعا ارنالعان DRAMAGIC پلاتفورماسىن ءبىر جىل بويى پايدالانۋ مۇمكىندىگىنە جانە 60 مىڭ كرەديتتەن تۇراتىن پاكەتكە يە بولادى.
Astana AI Film Festival 1-3 قازان ارالىعىندا استانادا جاساندى ينتەللەكتكە ارنالعان ءبىرقاتار ءىس-شارانى بىرىكتىرەتىن AI Month اياسىندا وتەدى. فيناليستەردىڭ AI-فيلمدەرى العاش رەت Chaplin كينوتەاترلارىنىڭ ۇلكەن ەكراندارىندا كورەرمەن نازارىنا ۇسىنىلادى. كورسەتىلىمدەردەن بولەك، فەستيۆال باعدارلاماسى اۆتورلار مەن يندۋستريا وكىلدەرىنە ارنالعان ىسكەرلىك سەسسيالار، پانەلدىك پىكىرتالاستار مەن شەبەرلىك ساباقتارىن، سونداي-اق ماراپاتتاۋ ءراسىمىن قامتيدى. AI-فيلمدەر اراسىنداعى ەڭ ءىرى بايقاۋدىڭ جەڭىمپازدارى 3 قازاندا جاريالانادى.
