ادام بالاسىنىڭ وي-ءورىسىن كەڭەيتىپ، تانىمىنتەرەڭدەتەتىن قاسيەتتى قۇرال بولسا، ول – ءسوزسىز، كىتاپ. كىتاپ وقۋ ىسىنە ەلىمىز ەرەكشە ءمان بەرىپ، جاپپاي كءىتاپ وقيتىن ۇلتقا اينالۋ پروسەسى قارقىندى تۇردە ءجۇرىپ جاتىر. سايكەسىنشە تۇتاس ءبىر قوعامدىق قوزعالىس قالىپتاستى. ۇلتىڭ رۋحاني تۇتاستىعىن ساقتاۋ جولىندا مەملەكەت تاراپىنان كىتاپ وقۋ مادەنيەتىن قالىپتاستىرۋ تۋرالى ماڭىزدى مىندەتتەر جۇكتەلگەن ەدى.
مەملەكەت باسشىسى قاسىم-جومارت توقايەۆتىڭ باستاماسى ەلىءمىزدىڭ تۇكپىر-تۇكپىرىن قامتىپ، كىتاپ وقيتىن وقىرمانداردىڭ سانى ايتارلىقتاي ارتتى. مادەنيەت جانە اقپارات مينيسترلىگىنىڭ قولداۋىمەن ىسكە اسقان «كىتاپ وقيتىن ۇلت» جوباسى بۇگىندەقوعامنىڭ بەت-بەينەسىن وڭ باعىتقا وزگەرتە باستاعانىن بايقاپ وتىرمىز.
جوبانىڭ جۇيەلى جۇمىس ىستەۋى ءۇشىن ارنايى قۇرىلعان قوعامدىق قورلار ۇيلەستىرۋشى مىندەتىن اتقارىپ، ءاربىر وقىرماننىڭ جەتىستىگىن تىركەيتىن ءبىرىڭعاي پلاتفورما ۇسىنعان. قازىرگى تاڭدا ەلىمىزدىڭ زياتكەرلىك الەۋەتىن ارتتىرۋعا باعىتتالعان اۋقىمدى رەسپۋبليكالىق مارافون-جوباعا قاتىسۋشىلار سانى 1 425 844 ادامدى قۇرايدى. سونداي-اق وزگە دە دەرەكتەرگە كوز جۇگىرتەر بولساق، وقىلعان كىتاپتار سانى – 169 286. قاتىسۋشىلار سايتتا وقىعان كىتاپتارى تۋرالى پىكىر قالدىرىپ، كىتاپ وقىعانىن راستايدى. بۇگىندە سايتتاعى پىكىرلەر سانى 177 مىڭنان اسقان. قىسقا مەرزىمدە ەل ازاماتتارى تۇگەل اتسالىسقان جوبا قازاقستاننىڭ بارلىق ءوڭىرىن قامتىپ وتىر.
بۇل رەتتە سولتۇستىك قازاقستان وبلىسىنىڭ ناتيجەسى ەرەكشە ەكەنىن اتاپ وتكەن ءجون. وڭىردەگى 20 مىڭعا جۋىق قاتىسۋشىنىڭ 14 مىڭنان استامى اسا بەلسەندى. بۇل رەسپۋبليكا بويىنشا جوعارى كورسەتكىشتەردىڭ ءبىرى.
اتالعان جوبانىڭ باستالۋى كىتاپحانا ومىرىنە، كىتاپ دۇكەندەرىنە جاڭا لەپ اكەلدى. ۇزىن-سونار كەزەك. كىتاپ ساتىپ الۋشى وقىرماندار سانى ايتارلىقتاي ارتقان. كوز جەتكىزۋ ءۇشىن كەز كەلگەن قالانىڭ كىتاپحاناسىنا نەمەسە كىتاپ دۇكەنىنە كىرسەڭىز جەتكىلىكتى. قالىڭ وقىرمان قاتارىندا مەكتەپ وقۋشىلارى مەن ستۋدەنتتەردەن باستاپ، اعا بۋىن وكىلدەرى مەن ارداگەرلەر دە بار.
الەۋمەتتىك جەلىدە جاريالانعان جازبالاردىڭ بىرىندە اۆتور الماتىداعى كىتاپحانانىڭ كۇندەلىكتى كورىنىسىن كورسەتىپ، جاستاردىڭ بىلىمگە ۇمتىلىسىن اتاپ وتكەن. ال تاعى ءبىر قولدانۋشى كىتاپ دۇكەنىنە بارعان ءساتىن ءبولىسىپ، سورەدەن كىتاپ تاڭداپ جۇرگەن جاستاردىڭ كوپتىگىنە نازار اۋدارعان.
«ەش ايقاي-شۋسىز، ۇرىس-كەرىسسىز، كىتاپتارىن الىپ ءماز بولىپ شىعىپ جاتىر ۇلى دا، قىزى دا. ەستىگەندەرىم تەك: “كەشىرىڭىز، ءوتىپ كەتسەم بولا ما؟”، “مىنا كىتاپتى كورەيىن دەپ ەدىم”»، – دەپ جازدى جەلى قولدانۋشىسى.
جازبا اۆتورى جاستاردىڭ كىتاپقا دەگەن قىزىعۋشىلىعىنا ءسۇيسىنىپ، ولاردى «كىتاپ وقيتىن ۇرپاق» دەپ اتادى. الەۋمەتتىك جەلىدەگى بۇل جازبالار جاستاردىڭ بوس ۋاقىتىن پايدالى وتكىزۋگە، ءبىلىمىن جەتىلدىرۋگە جانە كىتاپ وقۋعا قىزىعۋشىلىق تانىتىپ جۇرگەنىن كورسەتەدى. كىتاپحانا مەن كىتاپ دۇكەندەرىندەگى كورىنىس تە وقۋعا دەگەن سۇرانىستىڭ بار ەكەنىن اڭعارتادى.
كىتاپحانالاردىڭ وقۋ زالدارىنان بوس ورىن تابۋ دا قيىنداعان. حالىقتىڭ سانالى تۇردە بىلىمگە ۇمتىلۋى – جاپپاي وقيتىن ۇلت بولۋدىڭ العىشارتىدەپ بىلەمىز. تاعى ءبىر ماڭىزدى جايت رەتىندە دۇكەن سورەلەرىندەگى كلاسسيكالىق شىعارمالاردىڭ، تاريحي روماندار مەن زاماناۋي ەڭبەكتەرءتىڭ جىلدام ساتىلىپ جاتقانىن اتاپ وتكەن ءجون. اۋقىمدى مادەني-اعارتۋشىلىق جوبانىڭ جۇزەگە اسۋىنا بىرنەشە ءىرى ۇيىمدار مەن سەرىكتەستەر مۇرىندىق بولىپ وتىر. اتاپ ايتقاندا وتاندىق ادەبيەتتى ناسيحاتتاۋ مەن اۆتورلارعا قولداۋ كورسەتۋ باعىتى بويىنشا – قازاقستان جازۋشىلار وداعى، كرەاتيۆتى يندۋستريالاردى دامىتۋ قورى، سيفرلىق تەحنولوگيالار مەن زاماناۋي پلاتفورمالار ارقىلى كىتاپتاردى قولجەتىمدى ەتۋ باعىتىندا – Yandex Qazaqstan جانە «ياندەكس كنيگي» سەرۆيسى.
سونداي-اق جوبا اياسىندا قاتىسۋشىلار ءۇشىن ارنايى قازاق جانە ورىس تىلدەرىندەگى 300-دەن استام وتاندىق جانە الەمدىك ادەبيەتتىڭ تاڭداۋلى تۋىندىلارى ۇسىنىلعان. كلاسسيكالىق شىعارمالاردان باستاپ زاماناۋي پروزاعا دەيىن قامتىعان بۇل ءتىزىم ءار وقىرماننىڭ جاس ەرەكشەلىگى مەن قىزىعۋشىلىعىنا ساي ىرىكتەلگەن. جوباعا قالاي قاتىسۋعا بولادى؟ ەڭ الدىمەن مارافونعا قاتىسۋ ءۇشىن قاراپايىم قادامداردى ورىنداۋ قاجەت:
ايتا كەتەيىك، مارافون 2026 جىلدىڭ قىركۇيەگىنەن 2027 جىلدىڭ ساۋىرىنە دەيىن جالعاسادى. قاتىسۋشىلار وزدەرىنىڭ جەكە كابينەتتەرىندە وقىعان كىتاپتارى بويىنشا اسەرلەرىمەن ءبولىسىپ، 2027 جىلدىڭ ءناۋرىز-ساۋىر ايلارىندا قورىتىندى تەستىلەۋ مەن زياتكەرلىك ۆيكتورينالاردان وتەدى.
ۇزدىك ناتيجە كورسەتكەن قاتىسۋشىلار مەن بەلسەندى وقىرماندار ءۇشىن ارنايى اقشالاي سىيلىقتار قاراستىرىلعان:
1-ورىن – 600 000 تەڭگە؛
2-ورىن – 450 000 تەڭگە؛
3-ورىن – 300 000 تەڭگە.
