جاڭا قىزىعۋشىلىق، العاشقى جەتىستىك: مەدەۋ اۋدانىنىڭ دەمالىس ورتالىقتارىندا جاسوسپىرىمدەر نە ۇيرەنەدى

    بيفات ەلتايەۆا
    جاڭا قىزىعۋشىلىق، العاشقى جەتىستىك: مەدەۋ اۋدانىنىڭ دەمالىس ورتالىقتارىندا جاسوسپىرىمدەر نە ۇيرەنەدى اۆتور

    الماتىدا 100 دەمالىس ورتالىعى جۇمىس ىستەيدى. ولارعا 13 مىڭنان استام جاس تۇراقتى قاتىسادى. قالا بويىنشا سپورت، شاحمات، بي، ۆوكال، بەينەلەۋ ونەرى جانە IT باعىتتارىندا 300-دەن استام تەگىن ۇيىرمە مەن سەكسيا بار. ورتالىقتار جاسوسپىرىمدەرگە ساباقتان كەيىن ۇيىنە جاقىن جەردە وزىنە ۇنايتىن ىسپەن اينالىسۋعا مۇمكىندىك بەرەدى.

    مەدەۋ اۋدانىنداعى دەمالىس ورتالىقتارى دا وسى قاعيدامەن جۇمىس ىستەيدى. ماسەلەن، الاتاۋ شاعىناۋدانىندا «الاتاۋ» ورتالىعى، قونايەۆ كوشەسىندە Champion، ال دوستىق داڭعىلىندا «سپارتاك» ورنالاسقان. ورتالىقتاردىڭ اۋداننىڭ ءار بولىگىندە ورنالاسۋى جاسوسپىرىمدەرگە ۇيىنە جاقىن ۇيىرمە تاڭداپ، ساباققا تۇراقتى قاتىسۋعا مۇمكىندىك بەرەدى.

    ۇيىرمەگە تۇراقتى قاتىسقان جاسوسپىرىمدەر ۇيرەنگەنىن جارىستار مەن بايقاۋلاردا كورسەتە الادى. مەدەۋ اۋدانىنىڭ دەمالىس ورتالىقتارىنىڭ تاربيەلەنۋشىلەرى قالالىق، رەسپۋبليكالىق جانە حالىقارالىق جارىستار مەن شىعارماشىلىق بايقاۋلارعا قاتىسىپ ءجۇر. مۇنداي شارالار ولارعا ءوز دەڭگەيىن بايقاپ، كەلەسى ماقساتىن ايقىنداۋعا كومەكتەسەدى.

    «مەن ءۇشىن دەمالىس ورتالىعىنىڭ ماڭىزى زور. وسى جەردە بىرنەشە ۇيىرمەگە قاتىسىپ كورىپ، وزىمە نە ۇنايتىنىن ءتۇسىندىم. وسىنداي تەگىن ۇيىرمەلەر ءۇيدىڭ جانىندا بولعانى جاقسى. ساباقتان كەيىن ءوزىم كەلە الامىن، الىسقا بارۋدىڭ قاجەتى جوق»، - دەپ اتاپ چەمپيون دەمالىس ورتالىعىنىڭ تاربيەلەنۋشىسى.

    الماتىنىڭ دەمالىس ورتالىقتارىندا جىل سايىن مىڭنان استام ءىس-شارا وتەدى. ولاردىڭ قاتارىندا جارىستار، شىعارماشىلىق بايقاۋلار، فەستيۆالدەر مەن شەبەرلىك ساباقتارى بار. ورتالىقتاردىڭ مەكەنجايلارى مەن بايلانىس دەرەكتەرى الماتى قالاسىنىڭ جاستار ساياساتىن دامىتۋ مەملەكەتتىك قورىنىڭ سايتىندا جاريالانعان.

     

    قاتىستى تەگتەر :

    قاتىستى ماقالالار