الماتى قالاسى قوعامدىق دەنساۋلىق ساقتاۋ باسقارماسى فۋتبولشى دياس تولەۋدىڭ قازاسىنا بايلانىستى رەسمي تۇسىندىرمە بەردى.
"ەكىباستۇز" كلۋبىنا قارسى كەشەگى ويىن كەزىندە دياستىڭ قالاي جاراقات العانى كورىنبەي قالدى. ءبىراق باس كەزىندە ول اياعىن ۇستاپ جاتقان. ودان كەيىن جاعدايى مۇلدەم ناشارلاپ كەتتى.
باسقارما مالىمەتىنشە، الماتى ورتالىق قالالىق كلينيكالىق اۋرۋحاناسىنىڭ قابىلداۋ بولىمشەسىنە 2006 جىلى تۋعان فۋتبولشى كلينيكالىق ءولىم جاعدايىندا جەتكىزىلگەن. ونى وقيعا ورنىندا كەزەكشىلىك اتقارعان جەكە مەديسينالىق جەدەل جاردەم بريگاداسى الىپ كەلگەن.
"مەديسينالىق بريگادا 30 مينۋت بويى رەانيماسيالىق شارالار جاسادى. الايدا ءومىر ءسۇرۋ بەلگىلەرىن قالپىنا كەلتىرۋ مۇمكىن بولمادى. بيولوگيالىق ءولىم تىركەلدى"، - دەيدى دارىگەرلەر.
مارقۇمنىڭ دەنەسى سوت-مەديسينالىق ساراپتاماعا جىبەرىلدى. ساراپتاما كەزىندە ءولىمنىڭ سەبەبى انىقتالادى.
