قۇرىلتاي دەپۋتاتتارى ەرلان كاريننىڭ قازاقستاننىڭ ۆيسە-پرەزيدەنتى لاۋازىمىنا كانديداتۋراسىن قولدادى، دەپ حابارلايدى Qamshy.kz.
ۆيسە-پرەزيدەنتتى پرەزيدەنت تاعايىندايدى. ءبىراق وعان قۇرىلتايدىڭ كەلىسىمى كەرەك. وسى ورايدا مەملەكەت باسشىسى قاسىم-جومارت توقايەۆ ۆيسە-پرەزيدەنت لاۋازىمىنا ەرلان ءقاريننىڭ كانديداتۋراسىن ۇسىندى.
ەرلان تىنىمباي ۇلى قارين وسىعان دەيىن پرەزيدەنتى اكىمشىلىگى باسشىسىنىڭ ءبىرىنشى ورىنباسارى قىزمەتىندە بولدى.
ءبىلىمى:
- ك. جۇبانوۆ اتىنداعى اقتوبە مەملەكەتتىك ۋنيۆەرسيتەتىن «تاريح جانە گەوگرافيا» ماماندىعى بويىنشا ءبىتىردى. «تاريح جانە گەوگرافيا ءپانىنىڭ ءمۇعالىمى» بىلىكتىلىگى بەرىلدى (1996 ج)؛
- ءال-فارابي اتىنداعى قازاق مەملەكەتتىك ۋنيۆەرسيتەتى فيلوسوفيا جانە ساياساتتانۋ فاكۋلتەتىنىڭ اسپيرانتۋراسىن ءبىتىردى (1999 ج).
ەڭبەك جولى:
- اقتوبە قالاسىنىڭ № 33 مەكتەبىندە گەوگرافيا جانە تاريح پاندەرىنىڭ ءمۇعالىمى (1996 ج)؛
- قازاقستان دامۋ ينستيتۋتىندا ساياسي زەرتتەۋلەر ورتالىعىنىڭ قىزمەتكەرى، جۇڭگو جانە رەسەي ينستيتۋتى ديرەكتورىنىڭ ورىنباسارى (1998 ج)؛
- ورتالىق ازيا ساياسي زەرتتەۋلەر اگەنتتىگىنىڭ ديرەكتورى (2000 ج)؛
- ق ر پرەمەر-مينيسترىنىڭ شتاتتان تىس كەڭەسشىسى (2002 ج)؛
- رەسپۋبليكالىق «اسار» پارتياسى ءتوراعاسىنىڭ ءبىرىنشى ورىنباسارى، زاماناۋي ساياسات حالىقارالىق ينستيتۋتىنىڭ باس ديرەكتورى (2003 ج)؛
- انتيتەرروريستىك باعدارلامالار ورتالىعىنىڭ باسشىسى (2004 ج)؛
- ماڭعىستاۋ وبلىسى اكىمىنىڭ ساياسي ماسەلەلەر جونىندەگى كەڭەسشىسى (2006 ج)؛
- ق ر پرەزيدەنتىنىڭ اكىمشىلىگى ىشكى ساياسات ءبولىمىنىڭ مەڭگەرۋشىسى (2008 ج)؛
- «نۇر وتان» پارتياسىنىڭ ستراتەگيالىق دامۋ بويىنشا حاتشىسى (2008 ج)؛
- ۆاشينگتونداعى (اقش) امەريكا ۋنيۆەرسيتەتىنىڭ ارنايى شاقىرىلعان پروفەسسورى (2013 ج)؛
- ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى (2014 ج)؛
- «قازاقستان» رترك» اكسيونەرلىك قوعامىنىڭ باسقارما ءتوراعاسى (2017 ج)؛
- ق ر پرەزيدەنتىنىڭ كەڭەسشىسى (2019 ج. ءساۋىر — 2020 ج. شىلدە)؛
- ق ر پرەزيدەنتىنىڭ كومەكشىسى (2020 ج. شىلدەدەن باستاپ)؛
- ق ر مەملەكەتتiك حاتشىسى (2022 ج)؛
- ق ر مەملەكەتتىك كەڭەسشىسى (2022-2026 ج).
ايتا كەتەيىك، ءبىرىنشى شاقىرىلىمداعى قۇرىلتايدىڭ ءبىرىنشى سەسسياسىن اشقان قاسىم-جومارت توقايەۆ ۆيسە-پرەزيدەنتتىڭ جانە پرەمەر-مينيستردىڭ كانديداتۋرالارى بويىنشا ۇسىنىستى قاشان ەنگىزەتىنىن ايتتى.
