الماتى قالاسىندا قازاقستاننىڭ حالىقارالىق ادام قۇقىقتارى بيۋروسىنىڭ الاڭىندا وتكەن باسپا ءسوز ءماسليحاتى تاعى دا نازارعا ءتۇستى. تىلشىلەردىڭ باسىن قوسقان جيىن كوك-جايلاۋ شاتقالىندا «Almaty Superski» جوباسىن جۇزەگە اسىرۋ ماسەلەسىنە ارنالعان ەدى. سپيكەرلەر رەتىندە ءسوز سويلەگەن سالتانات تاشيموۆا مەن ەميناكۋجامۋراتوۆانىڭ العا تارتقان ۋاجدەرى كۇمان تۋدىرىپ، «ەكوبەلسەندىلەردىڭ» كوبىنە فاكتىلەردى دۇرىس تۇسىنبەءيتىنىن تاعى دا كورسەتتى.

جيىن بارىسىندا العاشقى نەگىزگى ايىپ ەكوبەلسەندى ەمينا كۋجامۋراتوۆانىڭ اۋزىنان شىقتى. ونىڭ ايتۋىنشا، تاۋ كلاستەرىنىڭ ءىس جۇزىندە ءبىرىڭعاي جوباسى مەن تۇجىرىمداماسى جوق، تەك «بىر-بىرىنەن وتكەن ادەمى سۋرەتتەر» عانا بار. الايدا بۇل پىكىر اشىق دەرەكتەر ارقىلى وڭاي جوققا شىعارىلادى. ويتكەنى قورشاعان ورتانىڭ جاي-كۇيىتۋرالى ۇلتتىق دەرەكتەر بانكىنىڭ پورتالىندا كوك-جايلاۋ شاتقالىندا Almaty Superski قۇرىلىسىن جۇزەگە اسىرۋدىڭ ىقتيمال اسەرلەرى تۋرالى كولەمدى ەسەپ الدەقاشان جاريالانعان. سول جەردە جوبانىڭ ەلەكتروندى نۇسقاسى مەن جوبالىق قۇجاتتامانىڭ تولىق پاكەتى دە ورنالاستىرىلعان. ياعني جوبا بار، ونىڭ نەگىزگى شەشىمدەرى ەگجەي-تەگجەيلى جازىلعان جانە ونىمەن كەز كەلگەن ادام تانىسا الادى.

اعاشتارعا قاتىستى دا ەموسياعا اسەر ەتەتىن مالىمدەمە جاسالدى. سپيكەرلەردىڭ سوزىنشە، كۋرورت سالۋ ءۇشىن قىزىل كىتاپقا ەنگىزىلگەن اعاشتار ءدال ءقازىر جويىلىپ جاتىر ەكەن. الايدا جوبا ازىرلەۋشىلەرى دالالىق جۇمىستار جۇرگىزىپ، جەر تەلىمىندەگى ءاربىر اعاشتىڭ كوورديناتى، تۇقىمى مەن جاعدايى كورسەتىلگەن ەگجەي-تەگجەيلى اعاش تۇگەندەۋ ءتىزىمىن جاساعان بولىپ شىقتى. وعان سايكەس، كەسۋگە جاتاتىن قىزىل كىتاپقا ەنگىزىلگەن اعاشتار ول اۋماقتا مۇلدە جوق.

جيىن بارىسىندا كولىك كەپتەلىسى ماسەلەسىن كوتەرگەن دە سىن ايتىلدى. بۇل جولى بەلسەندىلەرتاراپىنان قويىلعان «دۋلاتي مەن گورنايا كوشەلەرى سياقتى تار جولدار كۇن سايىن 15 مىڭ ءتۋريستى قالاي وتكىزبەك؟» دەگەن سۇراق ورىندى بولدى. سپيكەرلەر جوبا اۆتورلارىنا ساۋاتتى ساۋلەت شەشىمدەرءىنىڭ جوقتىعىنا بايلانىستى ءمىن تاقتى. الايدا بۇل جەردە دە تەرميندەر شاتاستىرىلعان. 15 مىڭ دەگەن كورسەتكىش جوبالىق قۇجاتتامادا شىنىمەن بار. ءبىراق ول بەس ۋچاسكەدەگى 17 اسپالى جولدى قوسا العاندا، ينفراقۇرىلىمنىڭ تەحنولوگيالىق وتكىزۋ قابىلەتىنىڭ شەكتى كورسەتكىشىن بىلدىرەدى. ياعني بۇل – كولىكپەن كەلەتىن نەمەسە كۇن سايىن قابىلداناتىن تۋريستەر سانى ەمەس، تەحنيكالىق مۇمكىندىكتىڭ شەگى.

جوبانىڭ باستاپقى كەزەڭىندە ناقتى كەلۋشىلەر اعىنى بۇدان الدەقايدا تومەن بولادى: كۋرورت ءبىر مەزەتتە 5 مىڭعا دەيىن شاڭعىشى مەن 10 مىڭعا دەيىن جاياۋ ءتۋريستى قابىلداۋعا ەسەپتەلگەن. بۇل رەتتە جوبا ازىرلەۋشىلەرى نەگىزگى ەكولوگيالىق ەسەپتىڭ مىندەتتەرىنە قالالىق كولىك كەپتەلىستەرىنمودەلدەۋ كىرمەيتىنىن ورىندى اتاپ كورسەتتءى. ول ءۇشىن بۇكىل مەگاپوليس بويىنشا كولىك اعىندارىنىڭ قايتا ءبولىنۋىن ەسكەرەتىن جەكە كولىكتىك-ەكولوگيالىق ەسەپ قاجەت.

باسپا ءسوز ءماسليحاتى بارىسىندا زاڭنامانىڭ ىقتيمال بۇزىلۋى جانە قاجەتتى رۇقساتتاردىڭ جوقتىعى تۋرالى بىرنەشە رەت مالىمدەمەلەر ايتىلدى. الايدا سپيكەرلەر ءوز سوزدەرىن سالالىق ساراپتامالاردىڭ قورىتىندىلارى نەمەسە وزگە دە قۇجاتتارمەن دالەلدەي المادى.

باسپا ءسوز ءماسليحاتى كەزىندە جۋرناليستەر تاراپىنان دا زاڭدى سۇراقتار تۋىنداپ، ب ا ق وكىلدەرى سپيكەرلەردىڭ قانداي نەگىزدە ەكى جارىم مىڭ الماتىلىقتىڭ اتىنان سويلەپ جاتقانىن سۇرادى. الايدا بۇل سۇراققا دا ناقتى جاۋاپ بەرىلگەن جوق.