ءال-فارابي اتىنداعى قازاق ۇلتتىق ۋنيۆەرسيتەتىنىڭ جوعارى وقۋ ورنىنا دەيىنگى ءبىلىم بەرۋ فاكۋلتەتىندە رەسپۋبليكا كۇنىنە ارنالعان «اتامەكەنگە قوش كەلدىڭىز!» اتتى مەرەكەلىك كەش ءوتتى. جوعارى وقۋ ورنىنا دەيىنگى دايىندىق كافەدراسى ۇيىمداستىرعان باسقوسۋ ۇلتتىق ونەر مەن ەلدىك قۇندىلىقتاردى ۇشتاستىرىپ، ءبىلىم ىزدەپ كەلگەنجاستاردىڭ اتامەكەنگە دەگەن ىقىلاسىن ورتاق ارناعا توعىستىردى.

مەرەكەلىك كەشتى فاكۋلتەت دەكانى الماس اۋەلبەك ۇلى بەكتانوۆ قۇتتىقتاۋ سوزبەن اشتى. ءبىلىم مەن تاربيەنى ساباقتاستىرعان شارا جاستارعا ۇلتتىق مۇرانى قۇرمەتتەۋدىڭ، بىرلىك پەن باۋىرمالدىقتى قادىرلەۋدىڭ ءمانىن تانىتتى.

كەشكە دۇنيەجۇزى قازاقتارى قاۋىمداستىعىنىڭ الماتى قالاسى فيليالىنىڭ باسشىسى، اقىن، قازاقستان جازۋشىلار وداعىنىڭ مۇشەسى مۇراتقان شوقاننىڭ قاتىسۋى باسقوسۋدىڭ رۋحاني مازمۇنىن تولىقتىرا ءتۇستى.

«اتامەكەنگە قوش كەلدىڭىز!» اتاۋى كەشتىڭ نەگىزگى يدەياسىن ايقىندادى. اتامەكەن – تۋعان جەرمەن قاۋىشۋ عانا ەمەس، انا تىلىمەن، ۇلتتىق ونەرمەن جانە اتا داستۇرمەن تابىسۋ. وسى تۇرعىدان العاندا، مەرەكەلىك باسقوسۋ قازۇۋ-دىڭ جاستارعا ءبىلىم بەرۋمەن قاتار، ولاردىڭ ۇلتتىق مادەنيەتپەن بايلانىسىن نىعايتۋعا ءمان بەرەتىنىن كورسەتتى.

كەش باعدارلاماسىندا ءان مەن كۇي، تۋعان جەرگە ارنالعان جىرلار جاراسىم تاپتى. فاكۋلتەت تىڭداۋشىلارى ورىنداعان كۇيلەر ۇلتتىق ونەردىڭ تەرەڭدىگى مەن كوركەمدىگىن سەزىندىرسە، ەرعالي ەدىلبەك، تانات ايمەرەي جانە امانتاي الي ورىنداعان «كوزىڭنىڭ ءمولدىرىن-اي» ءانى كورەرمەننىڭ ىقىلاسىنا بولەندى. جاستاردىڭ ساحناداعى ونەرى ولاردىڭ شىعارماشىلىق قابىلەتىن تانىتىپ، مەرەكەلىك كەشتىڭ شىرايىن اشا ءتۇستى.

فيلولوگيا فاكۋلتەتىنىڭ جاس اقىندارى ارناۋ ولەڭدەرىن وقىپ، فاريزا وڭعارسىنوۆانىڭ «و، تۋعان جەر!» جانە كۇلاش احمەتوۆانىڭ «تۋعان جەردە تولعانۋ» شىعارمالارىن ۇسىندى. تۋعان جەرگە دەگەن ساعىنىش پەن سۇيىسپەنشىلىكتى ورنەكتەگەن جىرلار كەشتىڭ ەلدىك مازمۇنىمەن ۇندەستى. ەكى فاكۋلتەت جاستارىنىڭ ءبىر ساحنادا باس قوسۋى ۋنيۆەرسيتەت ىشىندەگى شىعارماشىلىق بايلانىستىڭ، ورتاق رۋحاني ىزدەنىستىڭ كورىنىسىنە اينالدى.

قۇرمانعازى اتىنداعى قازاق ۇلتتىق كونسەرۆاتورياسىنىڭ 1-كۋرس ستۋدەنتى قابي سامعار حالىق ءانى «گۇلداريعانى» ورىنداپ، كورەرمەنگە قازاقتىڭ ءداستۇرلى ءان ونەرىنىڭ اسەمدىگىن سەزىندىردى.

تىڭداۋشى تانات ايمەرەي مەن كافەدرا وقىتۋشىسى نۇراسىل زيادابەك بىرگە شىرقاعان «اتامەكەن» ءانى باسقوسۋدىڭ اسەرلى ساتتەرىنىڭ ءبىرى بولدى. ۇستاز بەن تىڭداۋشىنىڭ ساحناداعى جاراسىمى ءوزارا سىيلاستىقتى، ونەر ارقىلى جالعاسقان ۇرپاقتار ساباقتاستىعىن تانىتتى.ءاننىڭ تۋعان جەردى قاستەرلەۋگە ۇندەيتىن مازمۇنى مەرەكەلىك كەشتىڭ نەگىزگى يدەياسىن اشا ءتۇستى.

شارانىڭ ۇيىمداستىرىلۋىنا فاكۋلتەت دەكانى ا.ءا.بەكتانوۆ، جوعارى وقۋ ورنىنا دەيىنگى دايىندىق كافەدراسىنىڭ مەڭگەرۋشىسى گ.ت.تيلەۋجانوۆا جانە كۋراتور-ەدۆايزەرلەر ۇجىمى ۇيىتقى بولدى. ولاردىڭ بىرلەسكەن جۇمىسى تىڭداۋشىلاردىڭ ونەرىن ورتاعا سالىپ، ۋنيۆەرسيتەتتىڭ مادەني ومىرىنە بەلسەندى ارالاسۋىنا مۇمكىندىك بەردى.

«اتامەكەنگە قوش كەلدىڭىز!» كەشى قازۇۋ-دىڭ ءبىلىم مەن ۇلتتىق تاربيەنى ساباقتاستىراتىن رۋحاني ورتا رەتىندەگى كەلبەتىن ايقىندايدى. ءان مەن كۇيءدى، جىر مەن تاعىلىمدى جۇزدەسۋءدى توعىستىرعان مەرەكە رەسپۋبليكا كۇنىنىڭ ەلدىكءمانىن اشىپ، جاستاردى اتامەكەنگە قۇرمەت پەن ورتاق قۇندىلىقتار اياسىندا بىرىكتىردى.

ءال-فارابي اتىنداعى قازاق ۇلتتىق ۋنيۆەرسيتەتى

جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ

اعا وقىتۋشىلارى اميركانوۆ م.ب.، ءماجي قىزى ن.، نۋسۋپبايەۆا س.ا.