ءىىم-نىڭ بۇرىنعى كوميتەت ءتوراعاسى باعىنىشتى قىزمەتكەرىن جىنىستىق قاتىناسقا ماجبۇرلەگەنى ءۇشىن سوتتالدى

    فەرۋزا مادەنيەت
    ءىىم-نىڭ بۇرىنعى كوميتەت ءتوراعاسى باعىنىشتى قىزمەتكەرىن جىنىستىق قاتىناسقا ماجبۇرلەگەنى ءۇشىن سوتتالدى اۆتور

    قازاقستان ءىىم ەسىرتكى قىلمىسىنا قارسى ءىس-قيمىل كوميتەتىنىڭ بۇرىنعى ءتوراعاسى دانيار مەيرحان باعىنىشتى قىزمەتكەرىن جىنىستىق قاتىناسقا ماجبۇرلەگەنى ءۇشىن سوتتالدى. استانا قالاسىنىڭ قىلمىستىق ىستەر جونىندەگى اۋدانارالىق سوتى وعان 6 ميلليون تەڭگەگە جۋىق ايىپپۇل سالدى. بۇل تۋرالى جۋرناليست ميحايل كوزاچكوۆ ءوزىنىڭ Telegram-ارناسىندا حابارلادى.

    ءجۋرناليستىڭ مالىمەتىنشە، سوت دانيار مەيرحاندى قىلمىستىق كودەكستىڭ 123-بابى بويىنشا كىنالى دەپ تانىعان. تەرگەۋ ماتەريالدارىنا سايكەس، ول 2025 جىلدىڭ ءساۋىر-قاراشا ايلارى ارالىعىندا قىزمەتتىك ورنىندا وزىنە باعىنىشتى ايەلدى جىنىستىق سيپاتتاعى ارەكەتتەرگە ماجبۇرلەگەن.

    جابىرلەنۋشى جۇمىستان ايىرىلىپ قالۋدان قورقىپ، پسيحولوگيالىق قىسىمعا بايلانىستى ونىڭ تالابىنا كونۋگە ءماجبۇر بولعانى ايتىلدى.

    سوتتا ايىپتالۋشىنىڭ كىناسى جابىرلەنۋشى مەن كۋاگەرلەردىڭ كورسەتۋلەرى، نوتاريالدى كۋالاندىرىلعان حات الماسۋلار جانە ماماننىڭ قورىتىندىسى نەگىزىندە دالەلدەنگەن.

    سوعان قاراماستان، دانيار مەيرحان تاعىلعان ايىپتى مويىنداماعان. سوت ۇكىمى ازىرگە زاڭدى كۇشىنە ەنگەن جوق.

    ەسكە سالايىق، 8 ساۋىردە مەيرحاننىڭ ءىىم ەسىرتكى قىلمىسىنا قارسى ءىس-قيمىل كوميتەتىنىڭ ءتوراعاسى قىزمەتىنەن شەتتەتىلگەنى حابارلانعان. ال 4 مامىردا ادۆوكات ءاليا جامانبايەۆا وعان قاتىستى قىلمىستىق ءىستىڭ توقتاتىلعانىن مالىمدەگەن.

    قاتىستى تەگتەر :

    قاتىستى ماقالالار