كەزدەسۋ بارىسىندا پرەزيدەنت جولداۋىندا كوتەرىلگەن ەل دامۋىنىڭ باسىم باعىتتارى، الەۋمەتتىك سالانى جەتىلدىرۋ، مەديسينالىق قىزمەت ساپاسىن ارتتىرۋ جانە دەنساۋلىق ساقتاۋ جۇيەسىن دامىتۋ ماسەلەلەرى تالقىلاندى.
جيىنعا قاتىسۋشىلار سالاداعى وزەكتى ماسەلەلەردى ورتاعا سالىپ، مەديسينا قىزمەتكەرلەرىنىڭ ۇسىنىس-پىكىرلەرىن جەتكىزدى. سونداي-اق دەنساۋلىق ساقتاۋ سالاسىنداعى رەفورمالاردىڭ ماڭىزى مەن الداعى مىندەتتەر جونىندە پىكىر الماستى.
كەزدەسۋ سوڭىندا ايتىلعان ۇسىنىستار مەن پىكىرلەر نازارعا الىنىپ، الداعى ۋاقىتتا سالانى دامىتۋ باعىتىنداعى جۇمىستاردى جەتىلدىرۋ ماسەلەلەرى ءسوز بولدى.
ال تەرەكتى اۋدانى تۇرعىندارىمەن كەزدەسۋدە ازاماتتاردىڭ كۇندەلىكتى ومىرىنە قاتىستى وزەكتى ماسەلەلەر كوتەرىلدى. اتاپ ايتقاندا، الەۋمەتتىك ينفراقۇرىلىمدى دامىتۋ، اۋىلدىق اۋماقتاردىڭ الەۋەتىن ارتتىرۋ، حالىقتى جۇمىسپەن قامتۋ جانە مەملەكەتتىك باعدارلامالاردىڭ ىسكە اسىرىلۋى جونىندە پىكىر الماستى.
ءماجىلىس دەپۋتاتتارى تۇرعىنداردىڭ ۇسىنىستارى مەن وتىنىشتەرىن تىڭداپ، كوتەرىلگەن ماسەلەلەردىڭ نازارعا الىناتىنىن اتاپ ءوتتى. مۇنداي كەزدەسۋلەر حالىقپەن تىكەلەي ديالوگ ورناتىپ، وڭىرلەردەگى وزەكتى ماسەلەلەردى تالقىلاۋعا مۇمكىندىك بەرەدى.