العاشقى جاتتىعۋدان جەڭىس تۇعىرىنا دەيىن: تۇركسىب اۋدانىنىڭ دەمالىس ورتالىقتارى جاسوسپىرىمدەرگە قانداي مۇمكىندىك بەرەدى
الماتىدا 100 دەمالىس ورتالىعى جۇمىس ىستەيدى. ولارعا 13 مىڭنان استام جاستار مەن ءجاسوسپىرىم تۇراقتى قاتىسادى. قالا بويىنشا سپورت، شاحمات، بي، ۆوكال، بەينەلەۋ ونەرى جانە IT باعىتتارىندا 300-دەن استام تەگىن ۇيىرمە مەن سەكسيا بار. بۇل جەلىنىڭ باستى ەرەكشەلىگى -بالالاردىڭ وزىنە ۇنايتىن ىسپەن ۇيىنە جاقىن جەردە، ساباقتان كەيىن اينالىسا الۋى.
تۇركسىب اۋدانىندا دا ورتالىقتار وسى قاعيدامەن جۇمىس ىستەيدى. ماسەلەن، جاس قانات شاعىناۋدانىندا Sadaq پەن Delta، المەرەكتە «ارلان» مەن «تاۋ»، ال جۇلدىز-1 شاعىناۋدانىندا «وركەن» ورتالىعى ورنالاسقان. ۇيگە جاقىن ۇيىرمە جاسوسپىرىمگە جاڭا ىسپەن اينالىسىپ كورۋگە، قىزىققان باعىتىن تاڭداپ، ونى ءارى قاراي دامىتۋعا مۇمكىندىك بەرەدى.

وسىنداي مۇمكىندىك كەيبىر تاربيەلەنۋشىلەر ءۇشىن العاشقى جارىستار مەن جۇلدەلەرگە جول اشادى. ماسەلەن، 2026 جىلى «تۇركسىب» دەمالىس ورتالىعىنىڭ شاكىرتتەرى جاسوسپىرىمدەر اراسىندا وتكەن دزيۋدودان الماتىنىڭ اشىق چەمپيوناتىندا ەكى التىن جانە ءبىر قولا مەدال جەڭىپ الدى.
«ورتالىققا العاش كەلگەندە دزيۋدومەن اينالىسىپ كورگىم كەلدى. ۇيگە جاقىن ءارى تەگىن بولعان سوڭ، ساباقتان كەيىن جاتتىعۋعا تۇراقتى بارا الدىم. وسىندا دوستار تاپتىم، باپكەرىم العاشقى جارىسىما دايىندالۋعا كومەكتەستى. ءقازىر جاتتىعۋعا ءوزىم ماقسات قويىپ كەلەمىن. وعان جەتۋ ءۇشىن نە ىستەۋ كەرەگىن دە بىلەمىن»، - دەپ اتاپ دەمالىس ورتالىق تاربيەلەنۋشىسى.
جاسوسپىرىمدەر ۇيىرمەدە ۇيرەنگەنىن جارىستاردا، شىعارماشىلىق بايقاۋلار مەن فەستيۆالدەردە كورسەتە الادى. الماتىنىڭ دەمالىس ورتالىقتارى جىل سايىن وسىنداي مىڭنان استام ءىس-شارا وتكىزەدى. ورتالىقتاردىڭ مەكەنجايلارى مەن بايلانىس دەرەكتەرى الماتى قالاسىنىڭ جاستار ساياساتىن دامىتۋ مەملەكەتتىك قورىنىڭ سايتىندا جاريالانعان.