قازاقستاندىق تەننيسشى الەكساندر بۋبليك گونكونگتا ءوتىپ جاتقان ATP 250 ساناتىنداعى ءتۋرنيردى ءساتتى باستادى. ول العاشقى اينالىمدا نيدەرلاند وكىلى بوتيك ۆان دە زاندسحۋلپتى سەنىمدى تۇردە جەڭىپ، كەلەسى كەزەڭگە جولداما الدى.
كەزدەسۋ ەكى پارتيادا اياقتالدى. ەكى پارتيادا دا بۋبليك 6:3 ەسەبىمەن باسىم ءتۇستى. ماچ 1 ساعات 11 مينۋتقا سوزىلدى. ويىن بارىسىندا قازاقستاندىق سپورتشى تۇراقتى ءارى جيناقى ويىن كورسەتتى.
وسى ناتيجەدەن كەيىن الەكساندر بۋبليك ءتۋرنيردىڭ شيرەك فينالىنا شىقتى. جارتىلاي فينالعا شىعۋ ءۇشىن ول جۇڭگو تەننيسشىسى شان سزيۋنچەنمەن كەزدەسەدى. قىتايلىق سپورتشى ATP رەيتينگىندە 406-ورىندا تۇر.
ايتا كەتەيىك، گونكونگتاعى تۋرنير جاڭا ماۋسىمنىڭ باسىنداعى ماڭىزدى جارىستاردىڭ ءبىرى سانالادى. بۇل باسەكە بۋبليك ءۇشىن رەيتينگتىك ۇپاي جيناپ، ماۋسىمدى جاقسى دەڭگەيدە باستاۋعا مۇمكىندىك بەرىپ وتىر.
