2026 جىلعى 30 قاراشادا الماتى قالاسىندا مەملەكەتتىك ورگاندار مەن مەكەمەلەردىڭ قىزمەتكەرلەرى اراسىندا «قازاق ءتىلدى قىزمەتشى» قالالىق كونكۋرسى وتەدى.
كونكۋرس الماتى قالاسى ىشكى ساياسات باسقارماسىنىڭ تاپسىرىسىمەن «حالىقارالىق «قازاق ءتىلى» قوعامى» قوعامدىق بىرلەستىگىنىڭ الماتى قالالىق فيليالىنىڭ ۇيىمداستىرۋىمەن وتكىزىلەدى.
كونكۋرستىڭ ماقساتى – مەملەكەتتىك مەكەمەلەردە قازاق ءتىلىنىڭ قولدانىلۋ اياسىن كەڭەيتۋ، قىزمەتكەرلەردىڭ تىلدىك جانە كاسىبي قۇزىرەتتىلىگىن ارتتىرۋ، مەملەكەتتىك ءتىلدى قىزمەت بارىسىندا ءتيىمدى قولداناتىن بىلىكتى مامانداردى انىقتاۋ، قولداۋ جانە ولاردىڭ وزىق تاجىريبەسىن ناسيحاتتاۋ.
كونكۋرسقا الماتى قالاسىنىڭ مەملەكەتتىك ورگاندارى، جەرگىلىكتى اتقارۋشى ورگاندارى، مەملەكەتتىك مەكەمەلەرى مەن بيۋدجەتتىك ۇيىمدارىنىڭ قىزمەتكەرلەرى قاتىسا الادى. نەگىزگى كەزەڭدە 24 ۇمىتكەر ب ا ق سىنايدى.
كونكۋرس ءۇش كەزەڭ بويىنشا وتكىزىلەدى:
1. «ءتىل – قىزمەت ايناسى» – قاتىسۋشىلاردىڭ كاسىبي قىزمەتى مەن مەملەكەتتىك ءتىلدى قولدانۋ تاجىريبەسىن تانىستىرۋى.
2. «ىسكەرلىك ءتىل – كاسىبي بىلىكتىلىك» – رەسمي-ىسكەرلىك جاعداياتتار بويىنشا تاپسىرمالار ورىنداۋ جانە كاسىبي تىلدىك داعدىلارىن كورسەتۋ.
3. «ءسوز تاپقانعا قولقا جوق» – قاتىسۋشىلاردىڭ شەشەندىك شەبەرلىگىن، وي ۇشقىرلىعىن جانە سويلەۋ مادەنيەتىن باعالاۋ.
ۇمىتكەرلەردىڭ ءبىلىمىن ءتىل ءبىلىمى، مەملەكەتتىك ءتىل جانە مەملەكەتتىك باسقارۋ سالاسىنىڭ ماماندارىنان قۇرالعان قازىلار القاسى باعالايدى.
كونكۋرستىڭ جالپى جۇلدە قورى – 1 000 000 تەڭگە.
اتالعان ءىس-شارا مەملەكەتتىك قىزمەت سالاسىندا قازاق ءتىلىنىڭ مارتەبەسىن ارتتىرۋعا، كاسىبي قارىم-قاتىناس مادەنيەتىن جەتىلدىرۋگە جانە مەملەكەتتىك تىلدە ساپالى قىزمەت كورسەتۋ تاجىريبەسىن دامىتۋعا باعىتتالعان.
وتەتىن كۇنى: 2026 جىلعى 30 قاراشا
وتەتىن ورنى: الماتى قالاسى، دوستىق داڭعىلى، 13، م. اۋەزوۆ اتىنداعى №102 كونفەرەنس-زال.
وتىنىمدەردى قابىلداۋ مەرزىمى: 2026 جىلعى 26 قاراشاعا دەيىن
ەلەكتروندىق پوشتا: kazqogamyalmaty@gmail.com، kazqogam1@gmail.com ءدىلمۇرات قىزى اقەركە
بايلانىس تەلەفونى: +7 701 664 2721